İdlibtäge provokaŝiya

Könüzäk mäs'älälär 30

1460538
İdlibtäge provokaŝiya

Süriyä mäydanında zur ülçämdäge bäreleşlär kürelmägän çorlarda da härwaqıt möhim täraqqıyät’lär bula, şaqtıy uyınçı üz mänfäğat’läre öçen xärbi häm säyäsi adımnar yasap, köçäyergä tırışa. 8 yıldan artıq baruçı Süriyädäge watandaşlar suğışı dinamik räweştä däwam itä. Qayber uyınçılar üz faydasına uyın qorırğa tırışqanda, qayberläre isä moña kirtä quyaçaq adımnar yasap, ildäge xaosnı arttıra. Moña ürnäk itep soñğı waqıtta İdlibtä törek-rus urtaq patruleneñ maqsat itep alınuın kürsätergä bula.

Säyäsi,iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acunnıň “İdlibtäge provokaŝiya” isemle aňlatmasın täq’dim itäbez.

Oppoziŝiyaneñ soñğı nığıtması bulğan häm yaqınça 3 million yarım keşe yäşägän İdlib rejim häm tarafdarlarınıñ maqsatına äylände, küzätelgän bäreleşlärdä 100 meñnärçä keşe yortsız qalğanda meñnärçäse isä yaqtı dön’yadan kitte. Bu höcümnär nihayät’ Törkiyäneñ qatışuı belän tuqtatıldı, Törkiyä belän Rusiyä arasında tözelgän kileşü belän dä utnı tuqtatu urnaştırıldı.  Bu bäyläneştä törek häm rus ğaskäriläre strategik M4 yulında patrul’lär başlattı, äkrenläp bu mäydanı kiñäytelä ide.

İdlib töbägendä başqarılğan 20nçe Urtaq patrul’dän soñ oyıştırılğan 21nçe Urtaq patrul’neñ isä Mäskäwdä bilgelängän patrul’ yulında çınğa aşuı häm urtaq patrul’läreñ uñışlı buluı küzdä totıla ide. Läkin rus ğaskärilärenä qarşı bombalı höcüm oyıştırıldı häm Törkiyä belän Rusiyä kileşkän patrul’ yulı tämamlana alınmadı.

Höcüm cawaplılığın “Xattap Şişani” isemle oyışma üz östenä aldı. Oyışma qullanğan isem “Xattap Şişani” Rusiyä cähatennän bik möhim. Şul räweşle çäçän xalqın xäterlätüçe bu oyışma Rusiyägä turıdan yullama yasıy. İdlibtä dä, Süriyäneñ oppoziŝiyaçel’ töbäklärendä dä Xattap Şişani isemle oyışma yuq. Bu isä ber törkem soraw işarätlären tudıra. Käğazdä genä qorıluı añlaşılğan bu oyışmanıñ Xuraseddin isemle El-Kaidegä bäyläneşe bulğan oyışma isemennän bu höcümne oyıştıruı ixtimalı bar. Törek-rus kileşüen bozunı maqsat itkän öçençe uyınçınıñ êşkä kereşüe dä uylanıla.

Şul räweşle Rus hawa köçläre İdlibtäge höcümnän soñ şaqtıy hawadan xäräkät oyıştırıp, İdlibtäge oppoziŝiya urınnarın bombağa totqanda Bab şähärenä dä ut açıp, berniçä grajdannıñ ğomeren özde. Rusiyäneñ ğaskärilärenä qarata höcümne forsatqa äyländerep, basınqı oppoziŝiyaçel’lärne bombalawı Mäskäw kileşüeneñ ni qadär tiz tarqaluçan buluın kürsätte. Süriyä mäydanında Törkiyä häm Rusiyägä qomaçawlarğa tırışuçı uyınçılarnıñ da qul quşırıp utırmawın häm provokativ ğamällär belän barışnı manipulyaŝiyalärgä tırışuın tağın ber tapqır kürdek.



Bäyläneşle xäbärlär