Bu könne närsälär bulğan?

Tarixta bügen - 15.07.2020

1454079
Bu könne närsälär bulğan?

1099nçı yılnıñ 15nçe iyülendä Täre yawları axırında Qudüs şähäre tärele armiyäneñ qulına töşä. Katoliklar anda monarçı küz kürmägän qan qoyuğa kereşä. Meñnärçä möselman häm yähüd üterelä.

 

1974nçe yılda bu könne Kiprda grek ofiśerları citäkçelegendäge milli gvardiyäçelär tüntäreleş oyıştıra häm ilbaşı Makariusnı wazıyfasınnan alıp ata. İdarä EOKA liderı Nikos Sampsonğa birelä. Törkiyä tüntäreleşkä qatğıy reakśiyä kürsätä häm garantyer xoquqın qullanu öçen xäzerlek başlıy.

 

 

1983nçe yılnıñ 15nçe iyülendä Parijnıñ Orli aêroportındağı Törek hawa yulları byurosına ärmän terrorçı oyışması ASALA äğ’zaları bombalı höcüm oyıştıra. Şartlawda 2 törek häm 4 franśuznıñ ğomere özelä, 55 keşe yaralana.

 

 

2016nçı yılda bu könne Törkiyä däwläte êçenä sızğan FETO terrorçı oyışması äğ’zaları xakimiyätne qulğa töşerü omtılışı yasadı. Alar Änkaradağı TRT binaların basıp alıp üzlären “İldä tınıçlıq şurası” bularaq tanıtuçı deklaraśiyäne mıltıq teräp mäcbüri êfirda uqıttı. Tüntäreleşçelär Törkiyä Böyek millät mäclese, Änkara poliśiyä idaräse häm maxsus xäräkät bülegen bombaladı. Tüntäreleşçelärgä qarşı çıqqan 251 keşe ülde. İlbaşı Räcäp Tayyip Ärdoğannıñ çaqıruı belän uramğa çıqqan millionnarça keşe terrorçılarnı tuqtattı. Tüntäreleştä qatnaşqan yäisä teläktäşlek kürsätkän yözlärçä FETO äğ’zası qulğa alındı.

 

                                                   



Bäyläneşle xäbärlär