Liviya suğışında soňğı pӓrdӓ

Könüzäk mäs'älälär - 24

1434204
Liviya suğışında soňğı pӓrdӓ

 

Milli kileşü xökümӓtenӓ bӓyle Liviya armiyӓse Törkiyӓneň dӓ yӓrdӓme belӓn başqala Tripoli aldında general Xafterga bӓyle suğışçılarnı ciňelügӓ duçar itkӓnnӓn soň könçığışqa taba alğa barıp, yar buyı şӓhӓre Sirt hӓm strategik hawa bazası Ӓl Cufranı qulğa töşerü öçen yaňa xӓrӓkӓt başlattı. General Xafter isӓ Qahirӓdӓ Sisi belӓn oçraşıp utnı tuqtatırğa çaqırdı hӓm kim digӓndӓ xӓzerge xӓrbi wӓzğıyӓt’ne saqlap qalu öçen tırışa.

 

Säyäsi,iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acunnıň “Liviya suğışında soňğı pӓrdӓ” isemle aňlatmasın täq’dim itäbez.

 

Liviya suğışında Törkiyӓneň milli kileşü xökümӓtenӓ yaqlaw kürsӓtüeneň tӓêsirlӓre könnӓn kön tağın da yaxşıraq kürengӓndӓ  , general Xafter tӓwge tapqır saqlanu torışına küçte.  Törek Qorallı Köçlӓreneň Tripoli hӓm Misratada urnaşuı, Liviya armiyӓsenӓ xӓrbi belem birӓ hӓm konsul’taśiyӓlӓr ütkӓrӓ başlawı , yӓnӓ Liviya armiyӓseneň ixtıyacı bulğan xӓrbi texnika belӓn tӓêmin itüe suğışnıň barışın bötenlӓy üzgӓrtte.

Ayıruça ilneň könbatış töbӓklӓrenda hawa xakimiyӓteneň tӓêmin itelüe belӓn Xafterğa bӓyle suğışçılar ciňelülӓr belӓn çigenӓ başladı. Xӓzer isӓ bӓreleşlӓrneň üzӓgendӓ strategik ӓhӓmiyӓtkӓ iyӓ ike şӓhӓr bar: yar buyındağı Sirt hӓm möhim hawa bazası da urın alğan Ӓl Cufra.

Bu ike qalanı möhim qılğan üzençӓlek – ilneň neft resurslarınıň zur öleşe urnaşqan neft’ hilalına açılğan qapqalar buluı. Milli kileşü xökümӓtenӓ bӓyle Lviya armiyӓse bu töbӓklӓrne dӓ qulğa töşerep neft’ hilalına ireşü ,anı kontrol’ astına alu , qabat citeşterü hӓm êksportlawğa kereşergӓ teli.  

General Xafter Berlӓşkӓn Ğarӓp Ӓmirleklӓre kebek illӓrneň talӓplӓren dӓ isapkӓ alıp ilneň neft’ citeşterüen tuqtatqaç êksport da tuqtap qalğan ide. Bu rӓweşle hӓm milli kileşü xökümӓte iq’tisadi bularaq basım astında qalaçaq , hӓm yaqınça 1 million yarım miçkӓ neft êşlӓp çığarunıň tuqtawı belӓn dönyada neft’ bӓyӓlӓre kütӓrelӓçӓk ide. Bu bӓylӓneştӓ milli kileşü xökümӓte utnı tuqtatu hӓm sӓyӓsi çişeleş öçen söylӓşü östӓle artına utırğançı Sirt hӓm Ӓl Cufra belӓn bergӓ neft’ hilalın da qulğa töşerüne maqsat itep quya.

Liviyӓdӓ xӓrbi tӓrӓqqiyӓt’lӓr belӓn bergӓ sӓyӓsӓttӓ dӓ möhim waqıyğalar küzӓtelӓ. General Xafterğa yaqlaw kürsӓtkӓn Berlӓşkӓn Ğarӓp Ӓmirleklӓre , Rusiya, Misır kebek illӓr utnı tuqtatu iğ’lan itӓrgӓ hӓm milli kileşü xökümӓte qarşında tağın da kübrӓk urın, cir yuğaltmasqa tırışa.

Tağın da möhime – general Xafternıň xӓrbi ciňelüennӓn soň törle aktyerlar êzli başlawı. Tobrukta urnaşqan wӓkillӓr palatası rӓise Akile Salix - alğı planğa çıqqan keşelӓrdӓn berse.

Törkiyӓ isӓ ber yaqtan xӓrbi hӓm sӓyӓsi yӓrdӓmen dӓwam ittergӓndӓ , AQŞ belӓn Rusiyӓne da balanslaw bӓylӓneşendӓ Liviyӓdӓ urtaq totış êzli.  AQŞnıň soňğı dӓwerdӓge Liviya sӓyӓsӓteneň milli kileşü xökümӓte faydasına üzgӓrӓ başlawı kürenӓ. Rusiyӓneň könçığışta arta baruçı xӓrbi köçe citdi mӓğ’nӓdӓ AQŞnı tınıçsız itkӓndӓ Törkiyӓ belӓn bergӓ xӓrӓkӓt itü mӓcbürilege barlıqqa kilӓ.

 

 

 



Bäyläneşle xäbärlär