Liviyada yaqınayıp kilüçe ciñü

Könüzäk mäs'älälär 21

1421979
Liviyada yaqınayıp kilüçe ciñü

Liviyada ozaq waqıttan birle däwam itüçe bäreleşlär berençe märtäbä Milli kileşü xökümäteneñ faydasına üzgärgän bulsa, general Haftergä bäyle köçlär könbatış Liviya belän bergä şaqtıy töbäktän çigenä başladı.

Liviya mäydanında barlıqqa kilgän şuşı üzgäreşneñ iñ möhim säbäbe, älbättä, Törkiyäneñ Milli kileşü xökümäte faydasına öleş kertüe buldı. Törkiyä häm Milli kileşü xökümäte arasında tözelgän xärbi xezmättäşlek häm öyrätü kileşüennän soñ Törek qorallı köçläre Tripolidä häm Misratada urnaştı, yasağan xärbi adımnar belän dä Milli kileşü xökümäteneñ hawa östenlegen üz östenä aluın täêmin itte.

General Haftergä bäyle köçlär Berläşkän Ğaräp Ämirlekläre, Misır, Franśiya häm Rusiyä belän bergä şuşı illärdän alğan yärdäm belän Liviyanıñ möhim öleşen ala aluınnan soñ isä Tripoline alu xäräkätenä küçkän ide. Törkiyä isä 2011nçe yıldağı inqilaptan birle säyäsi bularaq yaqlağan häm BMO däräcäsendä legal’ xakimiyät bulğan Milli kileşü xökümäten Hafter häm yaqlawçıları qarşında barı tik säyäsi yaqtan ğına tügel, xärbi cähättäm dä yaqlıy başladı. Törkiyä qatışmağan oçraqta Liviyada da Misırdağına oxşaş räweştä xärbi diktatorlıq tözeläçägen küzallıy, monıñ häm Liviya xalqı häm dä Törkiyäneñ milli mänfäğät’läre cähätennän barlıqqa kiteräçäk yanawnı añlap xäräkätkä küçte.

Milli kileşü xökümäte belän tözelgän xärbi kileşüdän soñ Törek qorallı köçlärenä bäyle törkemnär, Tripolida häm Misratada urnaşıp, Milli kileşü xökümäte köçlären öyrätä häm xärbi cihazlar belän täêmin itä başlıy. Hafter köçläreneñ bigräk tä hawa xakimiyäten aluı Milli kileşü xökümäten awır xäldä qaldırğan bulsa, Törkiyä hawa saqlanu sistemaları häm êlektronika xärbi ısulları belän hawa östenlegen qabat Milli kileşü xökümäte köçläreneñ aluın buldıra. Yänä TB2 keşesez hawa apparatları belän alğı front liniyasında Milli kileşü xökümäteneñ Hafter berlekläre aldında östenlek urnaştıruın täêmin itte.

Törkiyäneñ üz milli mömkinlekläre belän qamilläştergän häm “PKK” terror oyışmasına qarşı häm dä Süriyä kebek bäreleşlär mäydanında qazanğan täcribäne Liviyağa alıp baruı kürenä. Bu cähättän Qorallı keşesez hawa apparatlarınıñ Liviya kiñlegendä Milli kileşü xökümäte faydasına xärbi tigezlekne üzgärtkän bulsa, Berläşkän Ğaräp Ämirlekläreneñ Hafter köçlärenä birgän Rusiyäle “Pantsir” hawa saqlanu sistemalarınıñ barısı da diyärlek yuqqa çığarıldı.

Törek qorallı köçläreneñ yärdäme belän Milli kileşü xökümäte köçläre soñğı atnalarda könbatış Liviyada Tunis çigenä xätle bulğan töbäkne aldı, annan soñ isä strategik ähämiyätkä iyä Vatiyyä hawa bazasın aldı. Hafter köçläre citdi mäğ’nädä ruxi östenlegen yuğaltqan wazğiyättä, Milli kileşü xökümäte köçläre isä Tarhuna häm Sirtä kebek möhim şähärlärne alu öçen yaña xärbi xäräkät başlattı.

General Hafterne yaqlawçı Berläşkän Ğaräp Ämirlekläre häm Franśiya kebek illär, xärbi barıştan borçılıp, säyäsi çişeleş çaqıruın yasağan bulsa, Milli kileşü xökümäte köçläreneñ möhim şähärlärne aluı belän ireşkän xärbi impul’stan waz kiçüe bik mömkin tügel.

 

Can ACUN

SETA säyäsät, iq’tisad häm cämğiyät tikşerenüläre waqıfınıň tışqı säyäsät tikşerenüçese



Bäyläneşle xäbärlär