Törki şura qaramağında Migraśiya koordinaśiya törkeme buldırıldı

Bügezne yazmabızda Törki şurağa ӓğ’za dӓwlӓtlӓrneň pandemiya dӓwerendӓ çit illӓrdӓge watandaşlarınıň problemalarn çişü belӓn bӓyle yasağan adımnarı xaqında süz alıp barabız.

Ağımdağı yılnıň 7 nçe mayında Törki şurağa ӓğ’za hӓm küzӓtüçe illӓrneň migraśiya idarӓse hӓm bӓylӓneşle xakimiyӓt organnarı başlıqları qatnaşında videokonferenśiya uzdı. Ӓlege videokonferenśiyӓdӓ Azӓrbaycan, Qazaqsta, Qırğızstan, Vengriya, Üzbӓkstan hӓm Törkiyӓ migraśiya idarӓse başlıqları hӓm Törki şura ğomum sӓrqӓtibe qatnaştı. Cıyılışta oyışmağa ӓğ’za illӓrneň Kovid -19 kizüe sӓbӓbe belӓn illӓrenӓ qayta almağan watandaşlarnıň yӓşӓw röxsӓte , vizalar hӓm migraśiya belӓn bӓyle başqa mӓs’ӓlӓlӓren çişü öçen kürelӓçӓk çaralar söylӓşelde.  Cıyılışta yaqlar viza hӓm yӓşӓw röxsӓten bozğan watandaşlarğa qarata administrativ çaralar kürlemӓyӓçӓk dip kileştelӓr. Şulay uq migraśiya şartların waqıtlıça yomşartu qararına kilende. Bu yünӓleştӓge xezmӓttӓşlek özelmӓsen hӓm anı arttıru öçen Törki şura qaramağında Migraśiya koordinaśiya törkeme buldıru öçen kileşü tӓêmin itelde.

Belüebezçӓ, bıyılnıň 10 nçı aprelendӓ uzğan Törki şuranıň dӓwlӓt başlıqları çirattan tış sammitında başqa illӓrdӓge oyışmağa ӓğ’za dӓwlӓtlӓr watandaşlarına  ciňelleklӓr tudıru qararı qabul itelgӓn ide.

Bu qarar nigezendӓ Törki şurağa ӓğ’za illӓr pandemiya waqıtında illӓrenӓ qaytırğa telӓgӓn watandaşlarnı cibӓrü mӓs’ӓlӓsendӓ ber-bersenӓ yӓrdӓm itü hӓm ciňelleklӓr tudırunı dӓwam itterӓ. Xӓtta öçençe illӓrdӓn watandaşlarnı alıp qaytu mӓs’ӓlӓsendӓ dӓ oyışmağa ӓğ’za illӓr bergӓ xӓrӓkӓt itӓ,bergӓ êşçӓnlek başqara.

Mӓsӓlӓn, Qazaqstan Kön’yaq Aziya illӓrennӓn watandaşların alıp qaytqanda Qırğızstan watandaşların da kiterde. Moňa oxşaş rӓweştӓ Törkiyӓ dӓ Azӓrbaycan watandaşların öçençe illӓdan Törkiyӓgӓ qadӓr alıp qayttı. Kilӓçӓktӓ törki dönyanıň xalıqara arenada bergӓ xӓrӓkӓt itüe cӓhӓtennӓn mondıy yӓrdӓmlӓşülӓr zur ӓhӓmiyӓtkӓ iyӓ.

Törki şuranıň migraśiya idarӓse başlıqların cıyuı – oyışmanıň diasporalarğa qarata xӓzergӓ qadӓr başqarğan êşçӓnleklӓreneň dӓwamı. Belgӓnebezçӓ, oyışma êlegrӓk Törki şura törki teldӓş diaspora urtaq êşçӓnlek strategiyӓsen qabul itkӓn ide. Uzğan ay dönyada küzӓtelgӓn bitlek hӓm başqa bӓylӓneşle yӓm’sez waqıyğalar törki dönya diasporaları hӓm törki cömhüriyӓtlӓrneň xalıqara arenada urtaq xӓrӓkӓt itüe tiyeşlegen tağın ber tapqır bik açıq kürsӓtte.

         Törkiyӓ üz töbӓgendӓ küp sanda çt il keşesen qabul itkӓn il.

            Törkiyӓdӓ yӓşӓwçe çit il keşelӓreneň kübeseneň pandemiya waqıtında illӓrenӓ qaytu urınına Törkiyӓdӓ qalunı saylawı Ӓnkaranıň bu çorda döres adımnar yasawın , barışnı yaxşı  idarӓ itüen hӓm barı tik üz watandaşlarına ğına tügel, çit il keşelӓrenӓ dӓ sӓlamӓtlek saqlaw garantiyӓse birüen kürsӓtte.

        Törki dönyanň lokomotivı bulğan Törkiyӓ kürşe illӓrne üz üzenӓ tartu üzӓge bulıp qalaçaq. Törki şura qaramağında oyışqan Migraśiya koordinaśiya törkeme dӓ üz illӓrennӓn çittӓ yӓşӓwçe törki diasporalarnıň problemaların çişü öçen  tırışaçaq.