Bu könne närsälär bulğan?

1961nçe yılnıñ 27nçe martında Xalıqara teatrlar berlege bu könne Bötendön’ya teatr köne bularaq iğ’lan itä.

1964nçe yılnıñ 27nçe martında ilbaşı Makariosnıñ 2nçe törek ministrnı êşennän aluı Kiprda rizasızlıqlarnı arttıra. Makarios Rauf Denktaşnıñ utrawğa kerüen tıya.

1968nçe yılnıñ 27nçe martında kosmonavt Yuriy Gagarin – ğalämğä oçqan täwge keşe 34 yäşendä hälaq bula.

1976nçe yılnıñ 27nçe martında Törkiyä belän AQŞ arasında saqlanu xezmättäşlege kileşüe imzalana. Anıñ nigezendä, Törkiyädä Amerika xärbi  bazaları tözü röxsät itelä. AQŞ ilgä 15 milliard dollar yärdäm kürsätä.

1977nçe yılnıñ 27nçe martında aviaśiyä tarixındağı iñ zur hälakätlärneñ berse bula. İspaniyäneñ Kanar utrawlarındağı Tenerife aêroportında ike yulçı oçqıçı bäreleşä. Qazada 583 keşeneñ ğomere özelä.