Bu könne närsälär bulğan?

Tarixta bügen - 27.02.2020

Bu könne närsälär bulğan?

1914nçe yılnıñ 27nçe fevralendä Törkiyä armiyäseneñ täwge xärbi oçuçılarınnan kapitan Fätxi häm leytenant Sadık oçqıçları belän Dimäşq’tan Qudüskä barğanda Täbäriyä ilçäse tiräsendä şähit bula. Alar Törkiyä aviaśiyä tarixındağı täwge şähitlär.

 

1933nçe yılda bu könne Germaniyädä Adol’f Gitlernıñ xökümät räise bulıp bilgelänüennän soñ parlament binası Reyxstag yana. Gitler yanğınnı çığaruda kommunistlarnı ğayepli häm ilbaşı Gindenburgqa keşe xoquqı häm ireklären yuqqa çığaruçı qarar imzalata. Soñraq naśist partiyäsennän tış barlıq firqalärneñ êşçänlege tuqtatıla. Kommunist partiyäseneñ 181 deputatı häm idaräçeläre qulğa alına.  

 

 

2010nçı yılnıñ 27nçe fevralendä Çilinıñ Konseps’on şähäre yänäşäsendä 8,8 ball zurlığında cir teträw buldı. 90 sekund däwam itkän zilzilä meñ keşeneñ ülemenä kiterde.   

2014nçe yıldan başlap 27nçe fevral’ Bötendön’ya aq ayular köne bularaq bilgeläp ütä. Alarnıñ Cir yözendä 20-25 meñ tiräse qaluı farazlana. Aq ayularğa dön’yaküläm cılınu häm klimat üzgärü arqasında yuqqa çığu qurqınıçı yanıy.

 



Bäyläneşle xäbärlär