“Törki ana” fil’mında Gölzada Safiullina

Töreklär häm tatarlar: urtaq qıymmätlär 45/19

1366352
“Törki ana” fil’mında Gölzada Safiullina

Tatarstannıň xalıq artistı Gölzada Safiullina qatnaşqan “Törki ana” fil’mınıň Törkiyädä täq’dim itelüe turında küzätü

Bügenge yazmabıznı”Tatar-inform” mäğ’lümat agentlığınıñ İstanbul şähärendäge xäbärçese Ruşaniyä Altay mäqaläsenä nigezlänep äzerlädek.

   Äye, bu dön’yada ülmäs süzlär dä bar! Ülçäwe bulmağan mäñgelek süz iyäläre turında bu yazmam. Ul “ana” süze. Cir yözendä yäşägän här keşeneñ genä tügel, här tereklek iyäseneñ anası bar. Ana… Barı tik öç xäreftän torğan älege süz êçendä küpme naz, yöräk cılısı häm nindider samimi köç saqlana. Ana - böyek isem. Ana - izge keşelek dönyasınıñ başlanğıçı, buınnan-buınğa birelgän sıyfatlarnıñ kürkäm çağılışı da.

   Möxämmät päyğambärneñ: ”Här böyek êşneñ artında xatın-qız tora. Ul uñ qulı belän bişek, sul qulı belän böten dönyanı tibrätä”,-digän süzläre haman aktual’ bulıp qala. Xatın-qız näfis iñenä, bala qarau, ğailä mäşäqat’lärennän tış, il xäsräten dä ala. Güzäl zatlarıbız cämğıyät’neñ törle ölkälärendä üzlären belemle belgeçlär, yaxşı xezmätkärlär itep tanıta. Köndälek êşennän tış, xatın-qız ul - millät anası. Äye, bolay ataw hiç arttıru tügel. Bügenge süzebez şundıy analardan berse bulğan - Tatarstannan xalıq artistı, Respublikanıñ Musa Cälil isemendäge büläk iyäse, Qırım Respublikasınıñ atqazanğan sänğat’ êşleklese, ”Söyembikä warisları” törki-tatar balalar festivalen oyıştıruçı Gölzada Safiullina turında.

  Törkiyäneñ Adana gubernasındağı Osmaniya qalasında Tatarstannıñ xalıq artistı Gölzada Safiullina qatnaşında “Törki ana” dokumental’ fil’mınıñ prem’erası täq’dim itelä. Älege äsär tuğan ilendä üz milläte üseşenä, milli qıymmätlärneñ saqlanuına öleş kertkän fidaqar’ analar turında.

  Törki dönya jurnalistları federaŝiyäse räise Mändäräs Dämir äytüençä, fil’mda Azärbaycan, Qazaxstan, Qırğızstan, Makedoniya, Tatarstan, Törkiyä, Tön’yaq Kipr, Üzbäkstan kebek sigez törki cömhüriyätneñ ana bulğan xatın-qızları qatnaşqan. Äsärdä här cömhüriyättän ber ananıñ köndälek tormışı añlatıla. Anda törki analarnıñ yäşäw räweşe, dönyağa qaraşı, maqsatları, köndälek mäşäqat’läre, şatlıq-köyeneçläre, uñışları-uñışsızlıqları çağılğan.

  Mändäräs Dämir Törki dönya jurnalistları federaŝiyäse ideyäse bulğan “Törki ana” fil’mı proektın tormışqa aşıruğa Azärbaycannıñ “Sänğat’ häm mädäniyät” universitetı, Qazaxstannıñ “Äl-Färabi” isemendäge universitetı, Qırğızstannıñ “Manas” universitetı, Makedoniyäneñ “Fon” universitetı, Tön’yaq Kiprnıñ “Yaqın könçığış” universitetı, Törkiyäneñ Kon’yadağı “Sälçük” universitetı, Tatarstannan “TATFİLM” kino studiyäse, Üzbäkstannan “Üzbäkstan kinomatograflar berlege” öleş kertkänlegen belderä.

   “Törki ana” dokumental’ fil’mı Törki dön’ya jurnalistları federaŝiyäse iniŝiativası belän “Törki dön’ya kino festivale” qısalarında töşerelgän. Rejusserları-Yaqın Könçığış universitetı Kommunikaŝiyä fakul’tetınıñ teleradio häm kino bülege ğalimnäre Zäydä Yalınär Öräk häm Ömär Ämrä.

    “Törki ana” fil’mınıñ prem’erasın kürsätü kiçäse Osmaniyä şähär xakimiyäteneň yärdäme belän bula. Çarağa Osmaniyä jurnalistlar berlege räise İsrafil Avcı, mêriyä citäkçeleğe, Adana vilayäteneň kürenekle sänğat’ ähelläre,törle ictamağıy qorılış wäkilläre häm küpsanlı jurnalistlar qatnaşa.

  Osmaniya şähäre citäkçelege fil’mğa qatnaşqan törki analarnı töbäkneñ istälekle urınnarı,cirle mädäniyät’ häm xalıqnıñ tormış könküreşe belän tanıştırıp,milli rizıqlar belän sıylawı xaqında belderä “Tatar inform”  mäğ’lümat agentlığı.

   “Törki ana” dokumental’ fil’mı 2018nçe yılnıñ 2nçe oktyab’-10nçı üktyabr’ könnäre arasında Törkiyäneñ İstanbul şähärendä uzğan Törki dönya kino festivalendä tamaşaçılar iğ’tibarına da täq’dim itelä.

Törle çığanaqlardan tuplap äzerläwçe Kädriyä Mäyvacı

Çığanaqlar:

1)https://tatar-inform>2018/10/01

R.Altay.”Gölzada Safiullina qatnaşqan “Törki ana” fil’mı Törkiyädä täq’dim itelde”.01.10.2018.

 

 
 
 
 


Bäyläneşle xäbärlär