İdlibtä rejim häm berlektäşlären tınıçlıq urnaştıruğa mäcbür itü

Könüzäk mäs'älälär - 7/20

İdlibtä rejim häm berlektäşlären tınıçlıq urnaştıruğa mäcbür itü

Äsäd rejimına bäyle köçlär, Rusiyä häm İrannıñ artuçı yärdäme belän bergä Astana prośessın bozıp İdlibtäge höcümnären däwam itä. Alar strategik M4-M5 avtomagistrale kontrolen qullarına alaçaq räweştä alğa bara. Rejim Serakibtan äl-Äys şähärçegenä qadär bulğan cirleklärne alğannan soñ annan 1 yıl êçendä 1 million yarım keşe küçenep kitärgä mäcbür buldı. İdlibkä külämle xärbi xäräkät - rejim häm berlektäşläreneñ säyäsi çişeleştän bigräk xärbi ciñü teli başlawlarınıñ kürsätkeçe. Törkiyä isä yasağan xärbi adımnar belän moña yul quymayaçağın belderde.

Rejim köçläre soñğı 2 atnada İdlibtäge höcümnären köçäytä. Alar cirdän İranğa bäyle şiğıy suğışçılarnıñ, hawadan isä Rusiyäneñ yärdämen alıp oppoziśiyägä qarşı alğa baruın däwam itä. İdlibneñ in zur şähärçege bulğan Maaret äl Numannıñ qulğa töşerelüennän soñ tön’yaqqa yünälep M4-M5 avtomagistralen ber-bersenä bäyläwçe strategik ähämiyätkä iyä Serakibnı da aldılar.

Yöz meñnärçä keşe ut astında qalğan cirlärdän Törkiyä çigenä taba qaça başladı. Änkara, bu wäzğıyät’ne kürgännän soñ, İdlib êçendä citdi mäğ’nädä xärbi nığıtu yasap rejim köçlärenä qarşı ul’timatum xäzerläde. Ämma Äsäd turıdan-turı Serakib häm Teftanaz şikelle cirleklärdä törek ğaskärlärenä höcüm itte. Näticädä, Törkiyä, Süriyädä watandaşlar suğışı başlanğannan birle berençe tapqır rejim köçlärenä zur qarşılıq birergä mäcbür buldı. Törkiyä ilbaşı Räcäp Tayyip Ärdoğannıñ waqıt bilgeläp, ägär fevral’ axırına qadär Äsäd köçläre Soçi kileşüe çiklärenä taba çigenmäsä, xärbi kereşü belän alarnı çığaraçaqların äytte.

İlbaşı Ärdoğannıñ belderüläre häm Törkiyä qorallı köçläreneñ İdlib êçenä awır xärbi nığıtu xäzerläwe töreklärneñ töbäktä xäräkät räweşeneñ üzgärüen häm yaña çorğa kerüebezne kürsätä. İl haman Rusiyä belän kileşü nigezendä rejimnıñ Soçida bilgelängän çiklär tışına çigenüen teli, ämma monıñ tormışqa aşu ixtimalı keçkenä. Bu barıp çıqmasa, Törkiyä häm oppoziśiyä wäkilläre rejimnı üz qullarındağı 12 küzätü noqtasınıñ arqasına quu öçen xärbi xäräkät başlayaçaq şikelle kürenä.  

Rejimnan tış, Rusiyäneñ dä soñğı çorlarda Süriyä mäydanında yasağan adımnarı Törkiyäneñ milli mänfäğat’lärenä zarar birä. Rusiyäneñ berlektäş bularaq Törkiyäneñ qaderen belü waqıtı citte.

Törkiyäneñ xärbi çişeleş öçen çığımnarnı arttıruı - tınıçlıqnıñ ähämiyäten añlaw häm Rusiyä tarafınnan da monıñ qabul itelüe nisbätennän kiräkle.

Can Acun,

SETAnıñ tışqı säyäsät bülege tikşerenüçese. 



Bäyläneşle xäbärlär