Nogayşa 242: Qur’an deñizinden bȋr kesek aqıyqat (3)

Bu yuma em “QUR’AN DEÑİZİNDEN BȊR KESEK AQIYQAT” baresinde habarlasamız...

Nogayşa 242: Qur’an deñizinden bȋr kesek aqıyqat (3)

Nogayşa 242: Qur’an deñizinden bȋr kesek aqıyqat (3)

Hikmet tolu Qur’an’dıñ     

Aqıyqatları deñiz bolgan...

So deñizden neşe alim,   

Aqıyqat qaznaları şıgargan...

 

Deñizdeki tamşıqlardıñ 

Sanuvı bolmaganday  

Qur’an deñizindeki

Aqıyqatlardıñ tagı,       

Soñına barılmagan...

 

Munşa alim ömürlerşe

Aytıp turganları alde,

Qur’an’daqı aqıyqatlar, 

Äş tavsilip bolmagan...

 

Endi ol aqıyqatlardan,   

Üykenşe bîr alimdiñ  

Aytqanlarından bîr kesekti,  

Avdaruvga davam qılamız: 

Bismilllahirrahmanirrahim,   

Dep sözge baslaymız.

Em Allah’tıñ elşisi  

Hazreti Muhammed’ge 

Salat, selam aytamız...

 

Ötken yuma aytılgan 

Aqıyqatqa basqa misal:  

“Barı Istanbul halqı

Ramazandıñ basında  

‘Ay’dı körmedik!’ dese,  

Eki adem ‘kördük!’ dese,

Sosı halqtıñ baresi, 

İnkar etip ‘Ay yoq!’ dese,    

Äş bîr ökmü bolmagan!

 

Aynı nav misaldey   

Käfirliktiñ, dalalettiñ   

Özi, esası red bolgan...

Olar Quday,Ahiret’ti,   

Yoqtur dep inkär qılgan...

Sosınlardıñ ökimleri,

Bilimsiz bîr al bolganga   

Käfirlerdiñ bîrlik bolganın,

Tagı sanları köp bolganın,   

Äş qıymatı bolmagan...

 

Ehl-i Haqtın haq bolgan,

Sabit bolup köringen, 

Em ıspatlanıp körsetilgen

İymandıñ maselelerinde; 

Esimizge körsetilgen, 

Şayitlerge tayangan,

Eki mü’minden ökmi,    

Neşe ehl-i dalalettiñ

Sanları neşe bolsa, 

Barabar allerinden,

Üstke şıgıp avır basqan...

 

Nav aqıyqattıñ sırrı,   

Ne eken dep sorasan; 

Red qılganlardıñ davaları,

Körinişte bîr bolgan;  

Tek aslına qarasaq,  

Bîr bolmay ayrı qalgan.

rbîrine qosulmaganga,     

Küş quvvatı bolmagan...

 

Ispat etkenlerdiñ davaları,    

Qosulup barabar bolgan;

Bîrbîrinden quvvat algan...

 

Basqa misal, kökteki 

Ramazan’dıñ hilalini,

Ay’dın yañı alini,   

Köralmagan kisiler,

Anca nav sözlerdi aytqan:   

Menim qaravıma nispet,  

Kökte ay bolmagan;   

Menim qasımda körinmegen.

Basqası em ‘Menim tagı     

Qaravışımda yoq!’ degen.

Taga basqaları em, 

Aynı sözlerdi aytqan...

Är bîrevi qaravga nispet,

Ay’dıñ bolmaganın aytqan.

Ay üşünley yoq!’ dep

Quvatlı aytalmagan;

Maga köre yok!’ dep aytqan.       

So ademler körmeydi dep, 

Ay’dıñ özi yoq bolmagan...

Är bîreviniñ qaravışı,   

Ayrı ayrı bolganga,

Em qaravga perde bolgan

Sebepler ayrı bolganga,     

Davaları em ayrı qalgan...

Bîrbîrevine küş beralmay   

Tayav tagı bolalmagan...

 

Tek ıspat etkenler,     

Üşünley, Ay kök bette,   

Ornında körinip turu!’,

Dep basqalarga em körsetken... 

Körgenlerdiñ baresi,   

Ay mine yerinde,

Tagı sen em qara!

Dep quvvatlışa aytqan...

 

Demek ispat etkenlerdiñ    

Davaları bîr bolgan...

Red qılganlardıñ davası,    

Qaravları ayrı bolganga,

Ökümleri ayrı bolgan;    

Aqıyqatqa öküm etelmagan...

 

Em mantıq degen ilimdiñ        

Bildirgeni bîr aqıyqat:    

Qabul etilmey ret bolgan      

Ispat bolmas maseleler,     

Şeti bolmaganı sebep,    

Ispatı qıyın bolgan...

 

Misal bolsa bîr zattı,  

Sen dünyada bar desen, 

Ispatıñ yeñil bolgan.

Yalgız sonı körsetsen,

Ya de ornını aytsan,    

Ispatın qolay bolgan...

 

Eger yoq dep red qılsan;  

Barı dünyadı elep   

Körsetkenin kerekken...

Är orınga barıp,      

‘Sosı yerde tagı yoq,       

Nav orında em yoq!’

Dep är yerlerdi qıdırıp   

Yoq bolganın körsetip 

Bildirgenin kerek bolgan...

 

Sosı sır sebebimen   

Ehl-i küfür dep aytılgan 

İnanmagan insanlardıñ

Bîr aqıyqattı red qılganı,  

Yoq dep inanmaganı;

Ya bîr tesikten ötüv,

Ya bîr handekten atlaganñ       

Misaline oqşagan;

Mîñ de bîr de bîr bolgan...     

Är bîrevi yalgız qalgan...

 

Tek ıspat etkenler,  

Aqıyqattıñ özine,   

Ol aldiñ haqıyqatına,

Qaraganları sebep,  

Aytqanları öküm ,     

rbîrine qosulup

Quvvat em yardam bergen...      

Sankim avır bîr tastıñ

Köterilgenindey bolgan...

Neşe qollar yapıssa,

Kötergeni yengil bolup

rbîrevinden küş algan.”  

 

Quday’ımız basqa basqa     

Neşe sırlarını bizge

Aşqay edi dep özine    

Yürekten yalbaramız... 

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com

 

 
 


Bäyläneşle xäbärlär