Bu könne närsälär bulğan?

Tarixta bügen - 29.01.2020

1346896
Bu könne närsälär bulğan?

1923nçe yılnıñ 29nçı ğıynvarında Törkiyä cirlärendä yäşäwçe greklar belän Greśiyädä kön kürüçe töreklarneñ urınnarın almaştıru maqsatınnan ike il arasında Lozan keşelär belän almaşu kileşüe tözelä. Ul 1924nçe yılnıñ 6nçı avgustında ğamälgä kerä. Näticädä 1 million grek Greśiyägä, ä 500 meñ törek Törkiyägä küçenergä mäcbür bula. Törkiyädä İstanbul, Gökçeada häm Bozcaadada yäşäwçe greklarğa, Greśiyädä isä Könbatış Trakyada yäşäwçe töreklärgä älege kileşü qağılmıy.  

 

 

1988nçe yılda bu könne Greśiyä yuğarı mäxkämäse “Könbatış Trakyada törek yuq” süzenä ışanıp älege cirlektäge Törek uqıtuçıları berlege häm Komotini törek yäş’läre berlegen yabarğa qarar çığara. Şunnan soñ 20 meñnän artıq törek protest çarası ütkärä. Greśiyä poliśiyäse alarğa qarata köç qullana. Älege waqıyğalarda distälägän keşe yaralana. Ul waqıttan birle bu könne Könbatış Trakya törekläre “Milli köräş köne” dip yörtä.

 

  

 

2009nçı yılnıñ 29nçı ğıynvarında Törkiyä xökümäte räise Räcäp Tayyip Ärdoğan Davos forumında törek diplomatiyäse tarixına “One minute” (Wan minut) bularaq kerep qalğan çığışın yasadı. Ärdoğan İzrail däwläteneñ Fälästin xalqına zolım kürsätüen tänqıyt’lägändä süze kiselüe häm forumda qatnaşuçı İzrail xökümäte räise Şimon Peresqa tağın da kübräk söyläw xoquqı birelüenä rizasızlıq belderde. Ärdoğan Pereşqa “Sez niçek üteräse ikänen yaxşı beläsez” dip törtterde häm “Davos minem öçen bette” digän süzlär belän cıyılıştan çığıp kitte.  

                                           



Bäyläneşle xäbärlär