Bu könne nilär bulğan?

Tarixta bügen - 13.01.2020

Bu könne nilär bulğan?

Bügen 2020 nçe yılnıñ 13 nçe ğıynwarı. Bu kön tarixqa nindi wağıyğalar belän kerep qalğan soñ?

 

1920 nçe yılnıñ 13 nçe ğıynwarında İzmirneñ Grek armiyäse tarafınnan basıp alınuınnan soñ İstanbulda zur külämle Soltanäxmät mitingı ütkärelä. Anda 150 meñ keşe qatnaşa häm basıp aluğa protest belderelä. Mitingta şağıyr’ Mäxmät Ämin Yurdakul, Hamdullah Suphi Tanrıöver belän bergä Halidä Ädip Adıvar da üz çığışı belän iğ’tibarnı cälep itä.

1966 nçı yılnıñ älege könendä Amerika Quşma Ştatları ilbaşı Lindon B.Djonsonnıñ 1964 nçe yılda Törkiyäneñ ul çordağı prem’yer-ministrı İsmät İnönünä cibärgän häm Törkiyä - AQŞ mönäsäbätlärendä tirän êz qaldırğan Djonson xatı berençe tapqır matbuğatta dönya kürä. 2 yıl buyı cämäğät’çelektän saqlanğan xatta AQŞ ilbaşı Djonson Törkiyäneñ Kiprğa kereşü başqarğan oçraqta Amerika qoralların qullana almawın citkerä. Xatta şulay uq Sovetlar Berlegeneñ Törkiyägä xärbi qatışuı bula qalsa NATO kileşüeneñ ğamäldä bulmayaçağına da basım yasala. İsmät İnönü bu kisätügä “Dönya yañadan qorılır, Törkiyä dä ul dönyada üz urının alır” dip cawap birä.

2012 nçe yılnıñ 13 nçe ğıynwarında Tön’yaq Kipr Törek Cömhüriyäteneñ qoruçı ilbaşı Rauf Dänktaş 88 yäşendä wafat bula  häm ul  17 nçe ğıynwarda Cömhüriyät parkında cirlänä.  

 



Bäyläneşle xäbärlär