Bu könne närsälär bulğan?

Tarixta bügen - 12.01.2020

Bu könne närsälär bulğan?

--- 1875nçe yılnıň 12nçe ğinwar’ könne İstanbulnıň Bäyoğlu bistäsendä salınğan “Tunnel’” keşelärne yörtä başlıy. “Tunnel” - London metrosınnan soň dönyanıň iň borınğı 2nçe cirastı cämäğät’ transportı sisteması. Baştaraq şäxsi êşxanä bulğan “Tunnel’” 1939nçı yılda däwlätläşterelä.

 

--- 1920nçe yılnıň şuşı könendä soňğı Ğosmanlı parlamentı İstanbulda cıyıla. Parlamentta häm Padişaxnı, häm dä Anadolu xalqın wäkillek itkän xalıq ışanıçlıları bula. Parlamentnıň ilneň cir bötenlegeneň täêmin itelüe häm tulı bäysezlek öçen “Misak-ı Milli” qararların qabul itüe arqasında berlektäşlär 16nçı martta İstanbulnı räsmi räweştä basıp ala häm parlament tarqatıla. Parlament äğ’zaläreneň ber öleşe dä, qulğa alınıp, Mal’ta utrawına sörgen itelä.

 

--- 1991nçe yılnıň 12nçe ğinwarendä AQŞ Kongressı Ğiraq ğaskäreneň Quveyttan çığartıluı öçen xökümätkä köç qullanu wäqaläten birä. Şuşı qarardan soň 1nçe Farsı qultığı suğışına taba waqıt sanala başlıy.

 

--- 2006nçı yılnıň şuşı könendä xacğa baruçılar arasında Minada barlıqqa kilgän êteş-törteştä 364 keşeneň ğomere özelä.



Bäyläneşle xäbärlär