Bu könne närsälär bulğan?

--- 1838nçe yılnıň 6nçı ğinwar könne êlemtä ölkäsendä yaňa çor açıp cibärgän “Mors alfabitı” Samuel Morse tarafınnan cämäğätçelekkä citkerelä. Üze rässam bulğan Samuel Morse êlektromagnit nigezle berençe telegrafnı qamilläşterä.

--- 1921nçe yılnıň şuşı könendä Anadolunı yawlap alğan grek armiyası Törkiyä Böyek Millät Mäclese xökümäten buysındıru öçen xäräkätkä küçä. Grek xärbi berlekläreneň İskeşähärgä häm Afyonnıň könçığışına höcüm itüe belän bäreleşlär başlıy häm tarix bitlärenä 1nçe İnönü suğışı bularaq kerä. Grek ğaskäre 2 könnän soň Biläcikne basıp ala.

--- 1984nçe yılnıň 6nçı ğinwarendä Tunista “İpi baş kütärüe” bula. İpi bäyäläreneň 125%qa artuı arqasında xalıq uramnarğa çığa. İminlek köçläreneň kisken çara kürüe belän bäreleşlärgä äylängän uram cıyınnarında 75 keşeneň ğomere özelä, ber meňnän kübräk protestçı qulğa alına häm ildä ğadättän tış xäl iğ’lan itelä.

--- 2016nçı yılnıň 6nçı ğinwar könne Tön’yaq Koreya citäkçelege berençe tapqır vodorod bombasın sınap qarawın häm sınawnıň uňışlı uzuın belderä. Punggye-ri atom-töş üzäge yanında uzdırılğan sınaw xalıqara cämäğätçelekneň kisken reakśiyasına säbäp bula, fäqät amerikan citäkçelege sınawlarnıň ütkärelüenä qağılışlı dälil tabılmawın açıqlıy.