Kadınbudu kätlite

"Törek aş-suları" - 51

Kadınbudu kätlite

Törek tabınınıñ iñ töp rizıqlarınnan berse - turalğan azıq-tölekne tämlätkeçlär belän quşıp peşerü nigezendä xäzerlänüçe köftä. Ul bezdäge kätlitlärgä oxşağan. Ğosmanlı çorınnan birle xäzerlänüçe älege rizıqnıñ Törkiyädä 300dän artıq töre buluı äytelä. Köftäne zatlı restoranda da oçratırğa bula, uram rizıqları satuçı kioskta da. Töp ingridiyentları bularaq qızıl it, tawıq ite, balıq, börteklelär, quzaqlılar häm yäşelçälär qullanılırğa mömkin. Bügen bez cılı kileş tä, suıq xäldä dä aşala torğan köftä reśeptı belän urtaqlaşaçaqbız. Ul - “kadınbudu köftä”.

Älege köftäne xäzerläw öçen kiräk bulğan azıq-töleklärne sanap çığabız.

600 gramm tarttırılğan it,

yartı stakan döge

1 baş suğan

3 yomırqa

bal qalağı oçı belän änis (tmin) häm qara borıç

yartı bal qalağı toz

1 stakan panirovka onı

1stakan könbağış mayı

“Kadınbudu köftä”ne xäzerläwgä çirat citte. Başta yuılğan häm sözelgän döğene 1 stakan su häm qaşıq oçı qadär toz belän bik yomşatmıyça peşeräbez. Suğannı waq itep turıybız yäisä uğıçtan çığarabız. Ber tabada suğannarnı yomşağançı qızdırabız häm ittartqıçtan çığarılğan itneñ yartısın quşıp qızdırunı däwam itäbez. Farşnıñ suı betkänçe totabız. Peşkän suğanlı farşnı uttan alıp suınırğa quyabız. Kiñ tabaqta çi farş, on, peşkän döge, suınğan suğanlı farş, 1 yomırqa, tämlätkeçlär häm toznı bergä quşıp yoğırabız. Älege qatnaşmanı 30 minutqa suıtqıçqa quyıp torabız.  Şul waqıtta qalğan 2 yomırqanı yaxşılap küpertäbez.

Suıtqıçtağı qatnaşmanı alıp yomırqa zurlığındağı şarçıqlar yasıybız. Alarnı başta panirovqa onında äwälibez, soñınnan yomırqağa batırıp qızğan mayğa salabız. Peşkän köftälärne cılı kileş yäisä beraz suınğaç tabınğa çığarabız. Tämle bulsın!



Bäyläneşle xäbärlär