Bu könne närsälär bulğan?

1876 yılda ӓlege könne Ğosmanlı dӓwlӓteneñ berençe Töp qanunı bulğan Qanun-i Esası iğlan itelӓ.

1948 yılnıñ 23 dekabr’ könne Yaponiyada İkençe Bötendön’ya suğışı çorınıñ prem’yer-ministrı General Toko hӓm ul waqıttağı liderlardan 6 keşe küplӓp üterü hӓm suğış cinayӓt’lӓrendӓ ğayeplӓnep Tokioda ülem cӓzasına tartıla.

1972 yılda bu könne Nikaragua başqalası Managuda barlıqqa kilgӓn 6,3 ball zurlığındağı cirtetrӓwdӓ 10 meñ keşeneñ ğomere özelӓ.

1973 yılnıñ 23 dekabrendӓ İran başqalası Tӓhranda cıyılğan neft’ citeşterüçe illӓr neft’ bӓyӓlӓren 130%ka arttıra hӓm AQŞ belӓn Hollandiyağa neft’ küçerüne tuqtata.

1984 yılda ӓlege könne Rusiyӓdӓ Aêroflot hawa yullarına bӓyle yulçı oçqıçı motorda çıqqan yanğınnan soñ aşığıç rӓweştӓ Krasnoyarsk hawa mӓydanına utırırğa cıyınğanda kilep töşӓ. Waqiğada 110 keşe yaqtı dön’yadan kitӓ.

1995 yılnıñ 23 dekabr’ könne Hindıstannıñ Dabwali şӓhӓrendӓ Yaña yıl bӓyrӓmendӓ çıqqan yanğında 170e bala-çağa bulğan 540 keşeneñ ğomere özelӓ.