Bu könne närsälär bulğan?

1863nçe yılnıñ 8nçe dekabrendä Çilinıñ başqalası Sant’yagodağı tarixi çirkäwdä çıqqan yanğında 2 meñnän artıq keşe hälaq bula.

1868nçe yılda bu könne Londonda ike utlı svetoforlar qullanılışqa kerä.

1953nçe yılnıñ 8nçe dekabrendä Törkiyä cıyılma futbol komandası İspaniyäne ciñep Dön’ya çempionatında qatnaşu xoquqına iyä bula.

1980nçe yılda bu könne Bitlz törkemen tözegän Djon Lennon N’yu-Yorktağı öyeneñ yanında psixik awıru fanatı Mark Dêvid Çapman tarafınnan atıp üterelä. Lennon ülgändä 40 yäşendä bula.

1987nçe yılnıñ 8nçe dekabrendä Fälästindä 1nçe intifada xäräkäte başlana. Yähüd cirläşüçe yörtkän yök maşinası İzraildä êşläwçe 4 fälästinle êşçene utırtqan maşinağa bärelä häm fälästinlelär ülä. Şunnan soñ başlanğan rizasızlıq çaraları qısqa waqıt êçendä zur çualışlarğa äwerelä.

1987nçe yılda bu könne AQŞ ilbaşı Ronal’d Reygan häm Sovetlar Berlege liderı Mixail Gorbaçyev urta yıraqlıqtağı atom-töş raketaların ike yaqlı bularaq yuqqa çığaru xaqında kileşä.

1991nçe yılnıñ 8nçe dekabrendä Rusiyä däwlät başlığı Boris Yel’śin, Sovetlar Berlege tarqalğannan soñ, Belorusiyä häm Ukraina belän Bäysez däwlätlär berdämlege tözülären iğ’lan itte.