Bu könne närsälär bulğan?

1791nçe yılnıñ 5nçe dekabrendä Venada dahi kompozitor Vol’fgang Amadey Mośart ülä. Ul 35 yıllıq ğomere êçendä 626 äsär yaza.

1901nçe yılda bu könne dön’yadağı iñ tanılğan mul’tfil’m geroyların uylap çığarğan prodyusser häm rejissyer Uolt Disney AQŞnıñ Çikago şähärendä tua.

1934nçe yılnıñ 5nçe dekabrendä Törkiyä Böyek Millät mäclesendä xatın-qızlarğa xalıq ışanıçlıların saylarğa häm saylanırğa xoquq birüçe qanun qabul itelä.

1951nçe yılda bu könne BMO qanatı astında Xalıqara migraśiyä oyışması tözelä. Ul möhacirlärneñ yaña ilgä urnaşuı, kire qaytularına yärdäm, qaçaq sälamätlege, aqça cibärü häm qanunlı migraśiyä mömkinleklärenä teläktäşlek şikelle mäydannarda êşçänlek alıp bara.  

2013nçe yılnıñ 5nçe dekabrendä rasaçılıq belän köräşneñ simvolı, Kön’yaq Afrikanıñ täwge qara tänle däwlät başlığı Nel’son Mandelanıñ ğomere özelde.  

2016nçı yılda bu könne Törkiyäneñ ğalämdäge küze GÖKTÜRK - 1 yasalma iyärçene oçırtıldı.