Mänämän yasıybız

Törek aş-suları 48

Mänämän yasıybız

Törkiyӓdӓ irtӓnge aşlarğa zur ӓhӓmiyӓt birӓlӓr. Ber keks teleme yӓisӓ peçen’ye belӓn genӓ irtӓnge aş bulmıy monda. Tradiśion törek irtӓnge aşında qahwӓ tügel, ӓ çӓy êçӓlӓr. Tabında törle sırlar, zӓytün urın ala. Şulay uq bal, qaynatmalar, may, yomırqa, qazılıq, böreklӓr, qıyar, pomidor, yӓşel borıç hӓm törle yӓşelleklӓrne kürep bula.

Bügen sezgӓ Törkiyӓdӓ irtӓnge aşlarda yasaluçı yomırqa tӓbӓsen yasarğa öyrӓterbez. Anıñ iseme - “Mänämän”. Mӓnӓmӓn öçen tübӓndӓge rizıqlar kirӓk:

4 pomidor

4 yäşel borıç

1 suğan

3 yomırqa

2 aş qaşığı sıyıq may

Toz

Borıç

 

İñ êlek suğannarnı hӓm ӓrçelgӓn pomidorlarnı waq itep turıybız. Borıçlarnı da orlıqlarınnan çistartıp turıybız.

Sıyıq maynı tabağa salıp, suğannarnı 4-5 minut tirӓse qızdırabız. Soñınnan borıçlarnı quşabız, Beraz qızdırğaç pomidorlarnı östibez, suı azayğanğa qadӓr peşerӓbez. Yomırqalar, toz hӓm qara borıçnı ber sawıtta bolğatabız hӓm tabağa salabız. Arada bolğatıp, 3-4 minut tirӓse peşerӓbez.

Aşlarığız tӓmle bulsın!



Bäyläneşle xäbärlär