Bu könne närsälär bulğan?

Tarixta bügen - 23.11.2019

1308585
Bu könne närsälär bulğan?

 

 

 

Bügen 2019 nçı yılnıñ 23 nçe noyabre. Bu kön tarixqa nindi waqıyğalar belän kerep qalğan soñ?

 

1942 nçe yılnıñ 23 nçe noyabrendä “Kasablanka” fil’me berençe tapqır New-Yorkta kürsätelä. Fil’mneñ rejisserı – Maykl Kertiz. Baş rol’lärdä Xamfri Bogart belän İngrid Bergman uynıy.

 

1946 nçı yılnıñ älege könendä Franśiya belän Tön’yaq V’yetnam arasında suğış başlana.  Fransiya V’yetnamnıñ Xayfon qalasın utqa tota. Höcümdä ğadi xalıqtan 6 meñ keşeneñ ğomere özelä.

 

1970 nçe yılnıñ 23 nçe noyabrendä Bryussel’dä Törkiyäneñ urtaq bazar äğ’zalığı öçen 22 yıllıq küçü däweren küzdä totuçı protokol imzalana.  

 

1980 nçe yılnıñ bu könendä İtaliyanıñ kön’yağındağı Avellino häm Bazilikat töbäklärendä 6,9 ball zurlığında cirteträw barlıqqa kilä. Zilzilädä 3 meñnän kübrak keşe yaqtı dönyadan kitä, 7700 keşe yaralana, 250 meñ keşe yortsız – cirsez qala.

 

1985 nçe yılnıñ 23 nçe noyabrendä  Afinadan Qahirägä baru öçen kütärelep kitkän  Misır hawa yulları oçqıçın hawa yulbasarları urlıy. Mal’tağa töşerelgän oçqıçqa Misır maxsus köçläre operaśiya oyıştıra. Anda aralarında yulbasarlar da bulğan 60 keşeneñ ğomere özelä.

 

1996 nçı yılnıñ älege könendä Êfiopiya hawa yulları oçqıçın urlıylar. Yağulığı betkän oçqıç Hind okeanına kilep töşä ,waqıyğada 123 keşe ülä.

 

 



Bäyläneşle xäbärlär