Bu könne närsälär bulğan?

Bügen 2019 nçı yılnıñ 18 nçe noyabre. Bu kön tarixqa nindi waqıyğalar belän kerep qalğan soñ?

1601 nçe yılnıñ 18 nçe noyabrendä Tiryaki Hasan Paşa komandirlığındağı Ğosmanlı armiyäse strategik ähämiyätkä iyä bulğan Kanija nığıtmasın ciñep ala.

1865 nçe yılnıñ älege könendä amerikalı yazuçı Mark Tvenneñ berençe xikäyäse “Kalaverasnıñ sikerüçe mäşhür baqası” isemle äsäre basılıp çığa.

1927 nçe yılnıñ 18 nçe noyabrendä İstanbul radiosınnan soñ Änkara radiosı da üz êşen başlap cibärä.

1933 nçe yılnıñ älege könendä Ğosmanlı däwerennän qalğan Darülfünun İstanbul universitetı iseme astında qabat açıla.

1940 nçı yılnıñ 18 nçe noyabrendä Törkiyädä hawa höcümnärenä qarşı barlıq şähär häm qasabalarda tönge säğät’lärdä yaqtılıq bilgele bulmasın öçen qarañğılatu qararı qabul itelä.

1941 nçe yılnıñ älege könendä Sovetlar Berlegeneke buluı alğa sörelgän su astı köymäse Burgaz utrawı kiñleklärendä “Yenice” yök köymäsen batıra, waqıyğada 12 keşeneñ ğomere özelä.

 1977 nçe yılnıñ 18 nçe noyabrendä Misır däwlät başlığı Änvär Sädat İzrail’gä kitä. Ul İzrailgä säfär qılğan täwge ğaräp lider bula.

1978 nçe yılnıñ bu könendä “Xalıq ğıybadätxanäse” isemle sekta äğ’zaları kümäk räweştä üz üzenä qul sala. Aralarında 276 bala da bulğan 914 keşeneñ mäyete Gayananıñ Djonstaune qalasına yaqın urmanda tabıla.

2007 nçe yılnıñ 18 nçe noyabrendä Ukrainanıñ könçığışındağı Zasyad’ko şaxta töbägendä barlıqqa kilgän qazada 101 şaxtyernıñ ğomere özelä.

2017 nçe yılnıñ älege könendä tanılğan ştangaçı olimpiada häm dönya çempionı Naim Söläymanoğlu yaqtı dönyadan kitä.