Bu könne närsälär bulğan?

--- 1630nçı yılnıň 15nçe noyabr’ könne qoyaş sistemasındağı planetalarnıň äylänüle xäräkäteneň açışın yasap, astronomiya ölkäsendä inqilap yasağan alman ğalime Yohann Kepler wafat bula.

--- 1889nçı yılnıň şuşı könendä 1824nçe yılda qabul itelgän töp qanun belän konstituśion monarxiya rejimı astında bäysez däwlät bulğan Braziliyada qansız tüntäreleş belän monarxiya bärep töşerelä häm cömhüriyät-respublika tözelä.

--- 1960nçı yılnıň 15nçe noyabrendä atom-töş qoral yörtüçe berençe suastı köymäse “USS Djordj Waşington” suğa töşerelä.

--- 1967nçe yılnıň şuşı könendä Kiprda öç törek awılına höcüm itep basıp alğan qorallı grek törkemnäre 28 törekne üterä, 200dän kübräk törek xäbärsez yuğala. Törkiyädä çirattan tış cıyılğan Ministrlar Şurası xärbi zatlar belän wazğiyätne bäyäli. 1 könnän soň Törkiyä Böyek Millät Mäclese xökümätkä Kiprda xärbi qatışu yasıy aluı öçen wäqalät birä.

--- 1969nçı yılnıň 15nçe noyabr’ könne Amerika Quşma Ştatlarında V’etnam suğışına qarşı iň zur uram cıyını başqala Waşingtonda ütkärelä. Çarada 250 meň keşe qatnaşa.

--- 1983nçe yılnıň şuşı könendä Kipr tınıçlıq xäräkätennän soň tözelgän Kipr Törek Federal’ däwläte parlamentı bertawıştan qabul itkän qarar belän Tön'yaq Kipr Törek Cömhüriyäteneň qorıluın iğ’lan itä. Tözü turındağı deklaraśiyanı İlbaşı Rauf Dänktaş uqıy.

--- 1988nçe yılnıň 15nçe noyabrendä Bäysez Fälästin däwläte böten dönyağa iğ’lan itelä. Törkiyä Fälästin däwläten räsmi räweştä tanuın belderä.

--- 2012nçe yılnıň şuşı könendä Törkiyäneň “Altay” isemle berençe milli xärbi tankı matbuğatqa tanıtıla.