Bu könne närsälär bulğan?

--- 1906nçı yılnıň 13nçe noyabr’ könne franśuz Pol Kornu velosiped östenä proyektlanğan dönyanıň berençe boralağın oçırta.

--- 1920nçe yılnıň şuşı könendä 1nçe Bötendönya suğışınnan soň tözelüe qararına kilengän Millätlär Cämğiyäteneň Jenevadağı üzäge 41 ildän 5 meň wäkil qatnaşuında tantanalı räweştä açıla.

--- 1956nçe yılnıň 13nçe noyabrendä AQŞ Yuğarı mäxkämäse Alabama ştatındağı avtobuslarda qaratänle-aqtänle ayırımlılığına yul açqan qanunnı ğamäldän çığara. Bu qarar Amerika Quşma Ştatlarındağı rasaçı säyäsätlärgä zur basım yasıy.

--- 1966nçı yılnıň şuşı könendä İzrail xärbiläre, tanklar yärdäme belän Yordaniya çigen uzıp, 4 meň keşe yäşägän Samu awılına höcüm itä. Höcümdä tınıç xalıqtan yözlärçä keşe üterelä.

--- 1970nçe yılnıň 13nçe noyabr’ könendä ber säğättäge tizlege 240 çaqrımğa citkän “Bhola” ğarasatı  Bangladeşqa kiterep bärä. Ber köndä yaqınça 500 meň keşe ülä. Ğarasat – 20nçe ğasırnıň iň zur tabiğat’ fäläqate bularaq qabul itelä.

--- 1970nçe yılnıň şuşı könendä Süriyädäge “Baas” partiyasınıň xärbi törkemeneň liderı Hafız Äsäd tüntäreleş belän il citäkçelegen tartıp ala.

--- 1985nçe yılnıň 13nçe noyabrendä Kolumbiyada Nevado del Ruiz yanartawı şartlıy. Yanartaw êretkän qar Armero şähäreneň balçıq astında qaluına yul aça. Xökümätneň küçerü qararın ğamäldän çığarğanı öçen şähärdän kitmägän tınıç xalıqtan 25 meň keşe balçıq astında qalıp häläq’ bula.

--- 2009nçı yılnıň şuşı könendä NASA Aynıň kön’yaq qotıp töbägendä su tabuın dönyağa iğ’lan itä.

--- 2015nçe yılnıň 13nçe noyabr’ könne Franśiya başqalası Parijnıň törle töbäklärendä terror höcümnäre oyıştırıla. “Äl Qaidä” äğ’zase terrorçılar yasağan höcümnär näticäsendä 8e höcümçe belän bergä 138 keşeneň ğomere özelä, 413 keşe yaralana.