29 nçı oktyabr’ – Cömhüriyät bäyräme

Bügen Türkiyä Cömhüriyäte tözelüneñ 99 yıllığı bilgeläp ütelä. Türkiyä Cömhüriyätenä 1923 nçe yılnıñ 29nçı oktyabrendä nigez salına. Ğosmanlı imperatorlığınıñ berençe Bötendön'ya suğışında ciñelüe häm il cirläreneñ ciñüçe dawlätlär tarafınnan talap alınuı ildä borçu tudıra.

Kuvay – ı Milliye bularaq oyışqan häm Mostafa Kämal Atatörek citäkçelegendä berlaşkän milli köçlär Azatlıq suğışına kereşä. Anda töreklär küpläp yäşägän töbäklär Türkiyä çige bulıp qalırğa tiyeş fikere alğa sörelä. Näticädä 1922 nçe yılnıñ 30 nçı avgustında Särğaskärlek  mäydan yawında töreklär ciñä. Şunnan soñ yawlap aluçı köçlär bügenge Türkiyä cirlärennän çığarıla.

Solıx söyläşüläre belän basıp alınğan İstanbul qotqarıla, annan soñ ğamälgä kergän Lozanna tınıçlıq kileşüe nigezendä Ğosmanlı imperatorlığı tarix säxnäsennän sörtelä häm anıñ urınına ör-yaña Türkiyä Cömhüriyäte tarixtağı üz urının ala. 1923 nçe yılnıñ 29 nçı oktyabrenä qadär däwam itkän söyläşülärdän soñ Cömhüriyätne iğ'lan itü häm Änkaranıñ başqala buluı böten dön'yağa citkerelä.

Cömhüriyat bäyräme bilgeläp ütelä torğan bu köndä tanılğan lider Mostafa Kämal Atatörekne häm anıñ belän bergä barlıq milli köräş qaharmannarın xörmät belän iskä alabız.