Bu könne närsälär bulğan?

--- 1636nçı yılnıň 28nçe üktäbr’ könne Amerika Quşma Ştatlarınıň berençe universitetı Harvard Boston şähärendä tözelä.

--- 1886nçı yılnıň şuşı könendä franśuzlarnıň büläge bulğan häm Amerika Quşma Ştatlarınıň simvolları arasına kergän “Azatlıq häykäle N’yu-York kiňlegendäge Liberty utrawı östendä salına.

--- 1923nçe yılnıň 28nçe üktäbrendä Gazi Mostafa Kemal Paşa Çankaya utarında oyıştırğan kiçke aş mäclesendä qayber xalıq ışanıçlılarına: “Cömhüriyätne iğ’lan itäçäkbez”, - dip açıqlıy häm yaňa qorılğan däwlätneň säyäsi rejimınıň respublika bulaçağı söyeneçen birä. Mostafa Kemal Paşa häm İsmät İnönü Töp qanunğa (Konstituśiyägä) “Törkiyä däwläteneň şäkele Cömhüriyätter” maddäseneň kertelüe mäs’äläsendä kileşä.

--- 1928nçe yılnıň şuşı könendä Törkiyä belän Serb-Xorvat häm Sloveniya däwläte arasında Duslıq kileşüenä qul quyıla.

--- 1938nçe yılnıň 28nçe üktäbr’ könne Änkara radiosı Sıhhiyädäge tarixi binasında xezmätkä kerä. Cömhüriyätneň 15 yıllığına turı kiterelgän açılış öçen 3 kön däwam itkän maxsus translyaśiya ütkärelä.

--- 1941nçe yılnıň şuşı könendä Litvada alman xärbiläre 9 meňnän kübräk yähüdne Kaunas şähäre mäydanında atıp üterä.

--- 1962nçe yılnıň 28nçe üktäbrendä Sovetlar Berlege liderı Nikita Xruşçyov Kubadağı raketa bazaların yabaçağın açıqlıy, dönyanı atom-töş suğışı busağasına kitergän “Kuba raketa krizisı” betä.

--- 1984nçe yılnıň şuşı könendä Qıtay kommunistlar partiyası il iq’tisadın tözätü öçen çikle bulsa da irekle käsepçelekkä häm köndäşlekkä röxsät bireläçägen açıqlıy.

--- 1993nçe yılnıň 28nçe üktäbr’ könne “PKK” terrorçıları Hakkari Üzümlüdäge jandarmeriya çik buyı bülekçäsenä höcüm itä. Höcüm çigenderelä häm 57 terrorçı üterelä.

--- 1995nçe yılnıň şuşı könendä Azärbaycan başqalası Baqıda barlıqqa kilgän metro qazasında 28se bala cämğise 300 keşeneň ğomere özelä, 265 keşe yaralana.

--- 2009nçı yılnıň 28nçe üktäbrendä Paqıstannıň Päşavär şähärendä bombalı maşina belän oyıştırılğan höcümdä 105 keşe häläq’ bula, 200dän kübräk keşe yaralana.

--- 2014nçe yılnıň şuşı könendä Karamannıň Ärmänäk ilçäsendä su ağımına duçar bulğan şaxtada 18 êşçeneň ğomere özelä.