Yasmık kätlite

Bügenge yazmabızda yasmıq kätlite reśeptın täq’dim itäbez. Ul peşermiçä genä äzerlänä. Yasmıq - it aşamawçı keşelär öçen  möhim aqsım çığanağı bulıp tora. Borçaqlılar sem’yalığında urın alğan qızğılt töstäge yasmıq törek kuxnyasında bik kiñ qullanıla. Yasmıq- salatlar, pılaw,şulpa häm qamır rizıqları äzerläwdä töp produkt bulıp tora.

Yasmık kätliten äzerlärgä kereşer aldınnan kiräkle äyberlärne sanap kitik:

• 1 stakan qızğılt yasmıq
• 2 stakan waq talqan
• 2 suğan
• yartı stakan zäytün mayı
• 3 qaşıq tomat pastası
• yartı stakan qaynar su
• 1 bäyläm petruşka
• 6 yäşel suğan
• 1 litr su
• 1 çäy qaşığı toz
• 1 çäy qaşığı tmin
• 1 çäy qaşığı qızıl borıç
• 1 çäy qaşığı qara borıç
• 10 salat yafrağı

Ä xäzer yasmıq kätlitlären äzerläwgä küçik. 1 stakan qızğılt yasmıqnı yuğannan soñ 1 litr su salıp peşärgä quyabız. Yasmıq peşkäç uttan alıp kästrülgä 2 stakan waq talqannı östibez. Kästrülneñ qapqaçın yabıp 35-40 minut talqannıñ yomşaruın kötäbez.

Yasmıq häm talqan kästrüldä parlanıp yomşağan arada kätlitkä quşası başqa äyberlärne äzerli torabız. Waq itep turalğan 2 suğannı zäytün may salınğan tabada yomşarğançı peşeräbez. Annan soñ tabağa 3 qaşıq tomat pastası östibez , qızıl häm qara borıçnı da salıp yaxşılap bolğatabz. Tabağa yartı stakan qaynar su salıp qaynatıp çığarabız.

Bu qatnaşmanı kästrüldäge yasmıq häm talqan östenä salıp qapqaçın yabıp quyabız. Yäşel suğan belän petruşkanı yuıp waqlap turıybız. Kästrüldäge qatnaşmanı kiñ sawıtqa salııp toz häm tmin östibez häm qamır basqan kebek yaxşılap izep bolğatabız. Annan soñ yäşel suğan häm petruşkanı da quşıp barlıq äyberlär quşılıp betkänçe yaxşılap bolğatabız. Bu qatnaşmadan ästerxan çiklawegennän beraz zurraq kisäqlär alıp uç töbendä qısıp şäkel biräbez. Alarnı salat yafraqlrı quyılğan  tälinkägä tezep tabınğa biräbez.Aşlarığız tämle bulsın.