Bu könne närsälär bulğan?

Tarixta bügen - 17.10.2019

Bu könne närsälär bulğan?

 


Bügen 2019 nçı yılnıñ 17 nçe oktyabre. Bu kön tarixqa nindi waqıyğalar belän kerep qalğan soñ, şunı qarap uzıyq.

 

1448 nçe yılnıñ 17 nçe oktyabrendä Ğosmanlı armiyäse 2 nçe Kosovo suğışında küpçelege vengrlardan torğan Täre armiyäsen ciñä.

 

1777 nçe yılda älege könne Amerika köçläre Saratoga suğışında inglizlärne ciñä. Bu ciñüdän soñ Franśiya, İspaniya häm Niderland Angliyägä qarşı AQŞ yanında suğışta qatnaşa.

 

1933 nçe yılnıñ 17 nçe oktyabrendä Al’bert Êynşteyn naśist Germaniyadan möhacir bularaq Amerikağa kilä.

 

Sälamätlege şaqtıy qaqşağan Mostafa Kämal Atatörek 1938 nçe yılnıñ älege könendä berençe tapqır komağa kerä. Atatörekneñ sälamätlege belän bäyle täwge räsmi belderü yasala.

 

1961 nçe yılnıñ 17 nçe oktyabrendä illäreneñ bäysezlege öçen Parijda rizasızlıq beldergän aljirlılarğa Franśiya poliśiyası höcüm itä. “Parij küpläp üterüe” bularaq tarixqa kerep qalğan waqıyğada 400 aljirlı üterelä.

 

1973 nçe yılnıñ bu könendä global’ neft’ krizisı çığa. OPEC qayber könbatışlı illärgä Süriyä belän suğışında İzrail’gä yärdäm itkän öçen neft’ êmbargosı kertä başlıy. 10 Ğaräp däwläte neft’ satu bäyäsen 70%qa kütärä häm neft’ citeşterüne här ay 5 %qa kimetü qararına kilä.

 

2001 nçe yılnıñ 17 nçe oktyabrendä İzrail - Fälästin tınıçlığına qarşı çıqqan Milli berlek partiyäse başlığı Rehavam Zeevi qorallı höcümdä üterelä.

 

2016 nçı yılnıñ älege könendä Musulnıñ “DEAŞ” terror oyışmasınnan çistartıluı öçen 30 meñ keşelek Ğıyraq armiyäse operaśiyägä kereşä.

 

2018 nçe yılnıñ 17 nçe oktyabrendä Törkiyäneñ dön’yaküläm tanılğan fotoğrafı Ara Gülär yaqtı dönyadan kitä.  

 



Bäyläneşle xäbärlär