Pınargözü mäğarası
Bolarnı beläsezme? 42
Pınargözü mäğarasınıň dönyanıň iň zur mäğaralarınnan berse buluın häm açışınıň äle dä tämamlanmawın belä idegezme?
Törkiyäneň iň ozın mäğarası isemenä iyä Pınargözü Ispartanıň Yänişarbadämli ilçäsenä sigez çaqrım yıraqlıqta, Çaydärä urmannarınıň êçendä urnaşqan. Mäğaranıň başlanğan häm betkän urındağı biyeklek ayırması 720 metr häm açışı tulısınça betmägän äle. 1995nçe yılğa qadär ütkärelgän ozaq tikşerenülär näticäsendä 16 çaqrımlıq öleşe ülçälä alınğan. Mäğaranıň êçendä törle zurlıqta bualar, şarlawıqlar, stalaktit basseynnarı häm härtörle stalaktit berekmäläre kiň itep cäyelgän. Kerü urınında säğättä tizlege 150 belän 160 çaqrım bulğan köçle cil belän oçraşırğa mömkin.
Awrupanıň iň ozın mäğarası bularaq qabul itelgän Pınargözü mäğarası Qızıltaw milli parkı çikläre êçendä urnaşqan häm töbäktä yılğada häm ciröstendä aw tulısınça tıyılğan.
