Zӓytün mayında törelgän yafraq

Törek aş-suları 41

Zӓytün mayında törelgän yafraq

Vinograd yafrağına törelgӓn döge belӓn suğan êçlegennӓn toruçı bu rizıqnı Yaqın Könçığış hӓm Könçığış Urta diñgez geografiyasendӓ oçratıp bula. Törkiyӓdӓ qabımlıq bulıp tora. Anı irtӓnge aşta aşawçılar da bar, çӓy yanında da qabıştıralar.

Zӓytün mayında  törelgän yafraq öçen tübӓndӓge rizıqlar kirӓk:

300 gram yözem yafrağı

1 limon

4 aş qaşığı zӓytün mayı

1 stakan qaynar su

Êçlege öçen:

Yartı stakan zӓytün mayı

3 keçkenӓ baş suğan

Stakan yarım döge

1 stakan qaynar su

1 aş qaşığı kedr çiklӓwege

1 çӓy qaşığı toz

1 çӓy qaşığı qara borıç

1 çӓy kaşığı kipkӓn bötnek

Yartı çӓy qaşığı koriśa

Törkiyӓdӓ yözem yafraqları tozlanıp quyğanğa iñ êlek yafraqlarnı qaynar su salınğan tirӓn sawıtta 5 minut tirӓse totabız. Şul rӓweşle yafraqlar tozlarınnan arına. Alarnı salqın suda yuıp, artıq suların sözӓbez.

Annarı êçlekne ӓzerlibez. Zӓytün mayın kӓstrül’gӓ salıp, turalğan suğan hӓm kedr çiklӓweklӓren qızdırabız. Döğene yaxşılap yuıp, kӓstrül’gӓ salabız hӓm qızdırunı dӓwam itӓbez. Toz, bötnek hӓm qara borıç östӓp, bolğatabız. Qaynar su salıp, dögelӓrne peşerӓbez, lӓkin döge yomşarmasqa tiyeş. Tarçın yӓgni koriśa östӓp, peşkӓn döğene suıtırğa kirӓk.

Yafraq törü öçen yafraqlarnı mat hӓm tamırlı bulğan yağın öskӓ quyıp, tigez urınğa cӓyӓbez. Sabın kisӓbez. Yafraqnıñ urtasına ber çӓy qaşığı êçlekne quyıp, yafraqnı êçkӓ taba törӓbez.

Kӓstrül’ alıp töben berniçӓ yözem yafrağı belӓñ qaplıybız, sarmalarnı kӓstrül’gӓ tezӓbez. Limonnı tügӓrӓk itep kiskӓnnӓn soñ sarmalar östenӓ tezep çığabız. Peşkӓndӓ yafraqlar açılmasın öçen öslӓrenӓ tigez tӓlinkӓ quyabız. Stakan yarım qaynar su hӓm 2 aş qaşığı zӓytün mayın kӓstrül’gӓ salıp, sarmalarnı ӓkren utta 35 minutqa yaqın peşerӓbez.

Aşlarığız tӓmle bulsın!



Bäyläneşle xäbärlär