Nogayşa 225: Allah’tı oylav, em özine yalbaruv (5)
Bu yuma em “ALLAH’TI OYLAV, EM ÖZİNE YALBARUV” baresinde habarlasamız.
Nogayşa 225: Allah’tı oylav, em özine yalbaruv (5)
Bîr alimdiñ Allah’tı
Esleviniñ qasında,
Quday’ga duva qılgan
Sözleriniñ davamı
Nav aqıyqatlar bolgan:
“Em közümündiñ aldında,
Baharda yaratılgan
Ösimlik em ayvanlardıñ
Är bîrevi ayrı ayrı,
Acayip saniyatıman,
Em yarasıq ziynetimen,
Tagı basqa ayvanlarga
Usamas allerimen;
Em intizamlı, ölşemli
Barı vaziyetlerimen
Seni bildiripyatır...
Em dünyadı tolturgan
Ösimlik em ayvan degen
Nav qudret mucizeleri;
Sanları belli bolgan,
Maddeleri aynı bolgan,
Bîrbîrine oqşagan
Üyken kişkey yımırtqadan,
Tagı suv tamşıgından,
Danelerden, şekirdekten,
Yañlışsız em oñınşa,
Bezevli; em basqalarga
Qarıspay yaratılganı,
Hikmet iyyesi, saniyatlı,
Yaratuvşısınıñ barlıgına,
Em bîrligimen hikmetine,
Tagı soñsız qudretine,
Şayitlik etken qasında,
Yarıq, Kün’di körsetkendey
Taga quvvatlı, taga yarıq,
Barı seni körsetipyatır...
Em ava, su, savle,
Ot, em topraqtay
Äş bîr zat bolmasın kîm,
Esi bolmagan alde,
Sankim esi bolganday
Tap oñgın is körgeni;
Em salpı, em är yaqqa
Yengilşe keter allerimen;
Em qayerge barsa,
Dagılıp ketgenlerimen,
Gayet muntazam,em şeşitli
Meyvalardı, maqsullerdi,
Gayb qaznasından akelgenleri,
Qayta senin bîrligine,
Tagı em barlıgına,
Şayitlerin bolgan!
Ey Qadir Yaratuvşı!
Ey ilmi soñsızFettah!
Ey Fa’al-i Hallaq Allah!
Yani är zatlardı aşuvşı,
Dayim Yaratuvşı Allah!
Qaydey sosı yeryüzi,
Barı üstünde bolganlarman,
Senin yaratuvşı bolganına,
Em barlıgındıñ kerek,
Tagı mejbur bolganına,
Şayitlik etipyatır;
Aynı süytüp so yeryüzi
Vahdetine, bîrligine,
Betindeki mühürmen,
Em üstünde yaşagan
Maqluqlardıñ ayrı ayrı
Betlerindeki möhürlermen;
Ey Vahid-i Ehad Allah!
Ey Hannan ü Mennan Haq!
Maramatlı nimet iyyesi!
Ey Vehhab em Rezzaq Rab!
Nimetlerdi, rızıqlardı
Qullarına bagışlagan
Yömartlıgı songsız Allah!
Nav dünya barı alimen,
Tagı üstündekilerdiñ
Ayrı ayrı allerimen,
Em bîrlik, barabarlıq,
Em bîrbinin işine,
Kirip turgan keplerimen;
Em bîrbîrlerine kömekşi
Bolgan sosı allerimen,
Qayta qayta baresi,
Senin barlıq, birligine,
Şayitlik etipyatır...
Em sosı dünyada,
Yaşagan maqluqlarga
Qaragan atlarındıñ,
Onlardıñ üstündeki
Barı seniñ islerindiñ
Bîr bolganı yagıman;
Aşkerelikke bargan
Bîr dareceminen
Senin birligine barı
Şayitlik etipyatır...
Nav dünyada yaratqanın,
Maqluqlarda körsetkenin
Munşa şeşit haqıyqatlar,
Barı käinattı oylasaq
Qaysı darecege bargan?
Ene sosı maqluqat,
Baresi sanlarınca,
Saga şayitlik etipyatır...
Em qaydey nav dünya,
Bîr ordugah, bîr sergi,
Em talim yeri alimen,
Em ösimlik, em hayvanlardıñ
Ordularında bolgan
Yüz miñlerşe, türlü türlü
Milletlerdiñ ayrı ayrı,
Müşesiniñ muntazam
Berilgen alleri,
SeniñRablıgındıñ haşmetini,
Qudretindiñär bîr zatqa
Yetkenini körsetken...
Aynı nav aqıyqattay
Hadsiz barı yan tasıgan,
Barı maqluq ne bolsa,
Ayrı ayrı rızıqları,
Tap vaqti vaqtında,
Quru salpı topraqtan,
Maramatpan, yomartşa
Baresine berilgeni,
Bîr yaqtan sosınlardıñ
Tap bîr itaatpan
Rabbani emirlerge,
Savlay moyın iygeni;
Rahmetindiñ är bîr zattıñ
Tögereginde aylanganı,
Hakimiyetindiñ är bîr zattı
Quşatqanın körsetipyatır...
Tagı nav yeryüzinde,
Avısaberip turgan
Barı maqluq grubunuñ
Savqları, idareleri,
Ölüm em yaşavınıñ
Bîr düzende ketkeni,
Barı ayvan ösimliktiñ,
İdare em tedbirleri,
Är bîr zatqa yetken
Bîr ilimminen bolup
Em är zatqa ökmetken
Soñsız hikmetpen bolganı,
Senin ilmiñ, hikmetindiñ
Är bîr zattı quşatqanına
Basqa bîr delil bolgan...
Em dünyada, qısqaşıq
Bîr zamanda, bîr neşe
Vazipelerdi körgen,
Sankim hadsiz bîr zaman
Yaşayaqtay özine
Neşe zegenlerminen
Manevi jihaz berilgen,
Em sosı yeryüziniñ
Maqluqları üstünde
Sözi ötip is etken
Nav insanlarga barı,
Bîr talim yeri dünyada,
Em ötüvşi ordugahta,
Tagı sergi ornında,
Bek köp qıymat berilgeni,
Em munşa masraflar,
Tagı Rabbani isler,
Em aytılgan ullı sözler,
Soñsız barı iygilikler;
Elbet qısqaşıq, em muñgun
Bîr ömürge, em qarısıq
Elemli bîr yaşavga,
Yani fani dünyaga,
Sıymayagı belli bolgan...
Tuvrası em aqıyqatı,
Anca basqa bir ömürge,
Em baqıy bîr tetimlikke
Qaragan aqıyqatı bolgan...
Yani Ahiret alemine,
Salıngan ihsanlarga,
İşaret em delil bolgan!”
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com