Bu könne närsälär bulğan?

Bügen 2019 nçı yılnıñ 15 nçe sentyabre. Bu kön tarixqa nindi waqıyğalar belän kerep qalğan soñ?

1821 nçe yılnıñ 15 nçe sentyabrendä Kosta Rika İspaniyadan ayırılıp çığa, Gvatemala da bäysezlegen iğ’lan itä.

1890 nçı yılnıñ älege könendä tanılğan yazuçı Agata Kristi dönyağa kilä.

1918 nçe yılnıñ 15 nçe sentyabrendä Nuri Paşa komandirlığındağı Ğosmanlı Kavkaz İslam armiyäse Baqını Rusiya häm Ärmänstan yawınnan qotqara.

1928 nçe yılda bu könne Şotlandiya bakteriologı Fleming peniśillinnı uylap taba.

1931 nçe yılnıñ 15 nçe sentyabrendä Liviya bäysezlek köräşe liderı Ömer Muhtar italyannar tarafınnan üterelä.

1944 nçe yılnıñ älege könendä İkençe bötendönya suğışı waqıtında Angliya hawa köçläre ber köndä 185 Germaniya xärbi oçqıçın bärep töşerä.

1961 nçe yılnıñ 15 nçe sentyabrendä Törkiyädä 27 nçe may tüntäreleşennän soñ qorılğan Yassıada mäxkämäse qararın belderä. Mäxkämä yabılğan “Demokratik partiya”nıñ 15 äğ’zasın  ülem cäzasına xökem itä. Alar arasında êlekke ilbaşı Cälal Bayar belän êlekke prem’yer-ministr Adnan Menderes ta bula. 32 keşegä ğomerlek törmä cäzası birelä.

1975 nçe yılnıñ bu könendä Livan başqalası Bäyrutta  xristiannar häm möselmannar arasında watandaşlar suğışı başlana. 7 yıldan soñ şul uq könne İzrail Bäyrutnı basıp ala.