Bu könne närsälär bulğan?

Tarixta bügen 10.09.2019

1265897
Bu könne närsälär bulğan?

Bügen 2019 nçı yılnıñ 10 nçı sentyabre. Bu kön tarixqa nindi waqıyğalar belän kerep qalğan soñ?

 

1509 nçı yılnıñ 10 nçı sentyabrendä tarixqa “Keçkenä qıyämät”  bularaq kerep qalğan häm 45 kön däwam itkän cirteträw dawılı näticäsendä İstanbul häm tirä yağında meñnärçä yort cimerelä , 10 meñnän kübräk keşeneñ ğomere özelä.

1919 nçı yılnıñ älege könendä Berençe bötendönya suğışınnan soñ Avstriya – Vengriya imperatorlığınıñ tarqaluına säbäpçe bulğan Sen-Jermen kileşüe imzalana.

1942 nçe yılnıñ 10 nçı sentyabrendä Angliya hawa köçläre Germaniyanıñ Dyussel’dorf qalasına 100 meñ bomba ırğıta , şähär xäräbägä äwerelä.  

1943 nçe yılda älege könne Germaniya ğaskärläre İtaliya başqalası Rimnı basıp ala.

1970 nçe yılnıñ 10 nçı sentyabrendä Amerika Quşma Ştatlarınıñ Törkiyädä mäk üsterüne tıyu täq’dimen Törkiyä Böyek Millät Mäclesendä kire qağalar.

1987 nçe yılda bu könne Vengriyäneñ çikne açuınnan soñ meñnärçä Könçığış Germaniya watandaşı illärennän kitä başlıy.

Sörgennän qaytqan Paqıstannıñ êlekke prem’yer-ministrı Navaz Şärif 2007 nçe yılnıñ 10 nçı sentyabrendä qabat ildän cibärelä.

2008 nçe yılda bu könne İrannıñ Bender Abbas qalasında 7,5 ball zurlığında cirteträw barlıqqa kilä.

 



Bäyläneşle xäbärlär