Bu könne närsälär bulğan?

Tarixta bügen - 19.08.2019

1253725
Bu könne närsälär bulğan?

Bügen 2019 nçı yılnıñ 19 nçı avgustı. Bu kön tarixqa nindi waqıyğalar belän kerep qalğan soñ?               

1915 nçe yılnıñ 19 nçı avgustında Tävfik Fikrät 48 yäşendä Rumelihisarındağı öye “Aşiyan”da mäñgelekkä küzlären yoma. 30 yıldan soñ şul uq könne “Aşiyan” muzey bulıp açıla.

1934 nçe yılnıñ älege könendä Adol’f Gitler Germaniyada ütkärelgän ilbaşı referendumında 89,9% uñay tawış ala. Gitler parlament qararı belän fyurer iğ’lan itelä.

1946 nçı yılnıñ 19 nçı avgustında Qıtayda millätçelär belän kommunistlar arasında watandaşlar suğışı başlana. 1949 nçı yılğa qadär däwam itkän suğışta Pekinnı üz qulına töşergän Mao citäkçelegendäge kommunistlar ciñä.

İranda xalıq tarafınnan saylanğan Möxämmäd Musaddık 1953 nçe yılnıñ 19 nçı avgustında Amerika Quşma Ştatları häm Angliya tarafınnan cibärelgän şah yaqlı ofiśerlar başqarğan tüntäreleş kereşüe belän xakmiyättän alına.

1960 nçı yılda bu könne Sovetlar Berlegendä küzätü oçışı başqarğan Amerikanıñ U-2 şımçı oçqıçı bärep töşerelä. Pilot Gêri Pauêrs 10 yılğa törmägä utırtıla.

1966 nçı yılnıñ 19 nçı avgustında Törkiyädä Ärzurum, Muş häm Bingöldäge 6,9 ball zurlığındağı cirteträwda 2 meñ 394 keşe yaqtı dönyadan kitä. 

1980 nçe yılda älege könne Soğud Ğaräbstanı yulçı oçqıçı Riyad hawa mäydanına töşep utırğannan soñ yana, anda 301 keşeneñ ğomere özelä.

1991 nçe yılnıñ 19 nçı avgustında kommunizm yaqlı generallar Sovetlar Berlegendä tüntäreleş kereşüe başqara. Däwlät başlığı Mixail Gorbaçyevnıñ wazıyfasınnan alınuı belderelä, fäqät’ Gorbaçyev 2 könnän soñ wazıyfagına kire qaytuın iğ’lan itä.

 

 



Bäyläneşle xäbärlär