Bu könne närsälär bulğan?

1914nçe yılnıñ 12nçe avgustında Berençe Bötendön’ya suğışında Angliyä Avstro - Vengriyägä suğış iğ’lan itä.

1954nçe yılda bu könne Berläşkän Millätlär oyışması xärbiläre Koreyadan çığa başlıy.

1960nçı yılnıñ 12nçe avgustında Amerikanıñ täwge êlemtä iyärçene Êxo 1 ğalämgä oçırtıla.

1964nçe yılda bu könne rasaçıl säyäsäte arqasında Kön’yaq Afrika Olimpiyä uyınnarınnan çitläşterelä.

Şul uq 1964nçı yılnıñ 12 nçe avgustında kitapları belän Djeyms Bond xarakterın dön’yağa tanıtqan ingliz yazuçısı Yan Fleming ülä.

1964nçe yılda älege könne tağın ber tarixi waqıyğa bula. Törkiyä BMO iminlek şurası çaqıruınnan soñ Kipr östendäge oçışların tuqtata. Şura ike cämğıyät’ arasında Solıx köçeneñ tampon töbägen yasaw qararı çığara.

1985nçe yılnıñ 12nçe avgustında Tokiodan Osakağa baru öçen hawağa kütärelgän yulçı oçqıçı Ogura tawına kilep töşä. Qazada oçqıçtağı 524 keşeneñ 520se ülä.

1990nçı yılda bu könne, Ğıyraqnıñ Kuveytnı basıp aluınnan soñ, Törkiyä Böyek millät mäclese tarafınnan xökümätkä qorallı köçlärne qullanu häm, kiräk bulsa, Ğıyraqqa suğış iğ’lan itü wäqaläte birelä.

2000nçe yılnıñ 12nçe avgustında Rusiyäneñ Kursk su astı köymäse Barenś dingesendä battı. 112 keşelek êkipaj tulısınça hälaq buldı.