Roza çäçägennän yasalğan şirbät

Törek aş-suları 31

1240345
Roza çäçägennän yasalğan şirbät

Ciläk-cimeşle tuñdırmağa oxşağan häm cäy könnärendä bik yaratıp aşalğan,ingliz häm franśuz tellärendä sorbet,italyan telendä sorbetto dip yörtelgän tatli rizıqnıñ isemeneñ törek telendäge şirbät süzennän kilep çığuın belä idegezme? Şirbät -  tarixı bik borıñğığa barıp totaşuçı ,üsemlek, çäçäk häm ciläk-cimeşlär belän tämlätkeçlär quşıp , şikâr yäisä bal östäp yasalğan  êçemlek. 16 nçı ğasır urtalarınnan başlap Ğosmanlıda bik kiñ taralğan şirbät qısqa wqıtta Könbatışnıñ da iğ’tibarın cälep itä. 17 nçe ğasırda isä limonlı, roza çäçägennän yasalğan häm

konśentrat şirbät qatnaşmaların Angliyägä êksportlıy başlıylar. 17 nçe ğasırda İtaliyada bu konśentrat şirbätlärdän ciläk-cimeşle tuñdırma yasıy başlıylar häm şulay itep mäşhür İtaliya sorbettosı barlıqqa kilä.

Bügen sezgä roza çäçägennän yasalğan şirbät reśeptın täq’dim itäbez.

 

Roza çäçäge şirbäte öçen kiräkle äyberlär:

50 gramm isle roza çäçäge yafrağı

1 stakannıñ dürttän ber öleşe qadär limon suı

1 stakan şikär

5 stakan su

 

 

Ä xäzer şirbätne äzerläwgä kereşik. Başta roza çäçäge yafraqlarınıñ töbendäge aq öleşen qayçı belän kisep alabız. Çäçäk yafraqların pıyala yäisä farfor sawıtqa quyıp östenä limon suın salabız. Alarnı yaxşılap uabız häm 30 minut kötteräbez. Su belän şikärne kästrüldä beraz qaynatıp sünderäbez. Ul beraz suınğanç aña limon suındağı roza çäçäkläre yaqraqların quşabız häm bu qatnaşmanı suıtqıçta 10 säğät’ totabız. Annan soñ sözep êçäbez. Şirbätegez tämle bulsın.

 

 

 



Bäyläneşle xäbärlär