Nogayşa 210: Allah’qa nege inanamız (1)

Bu yuma “ALLAH’QA NEGE İNANAMIZ” baresinde söz bardıramız...

Nogayşa 210: Allah’qa nege inanamız (1)

Nogayşa 210: Allah’qa nege inanamız (1)

Quran'da eki ayette,

Quday’ımız Haq Allah,

Nav kepte buyurgan:

Allah, insanlar oylasın, 

Em nasihat alsın dep 

Misallerini beredi.’

Baska bîr ayette em;

‘İnsanlar eslesinler dep  

Sonday misaller bergen.

Nav ayetler yarıgında, 

Üyken bîr alimdiñ

Aytqanı sözlerini;

Em ‘Allah’qa biz nege  

İnanamız?’ degen soravdıñ

Yavabı bolıyaq manedi,   

Endi sizge köşiremiz...

 

Sosı alim ol mane,  

Arüvşe anlaşılsın dep

Bîr hikaya temsilini,

Söz aldında aytadı: 

 

“Bîr zaman eki adem, 

Bîr havuzda yuvınganlar,

Acayip bîr teysirmen 

Özlerinden ötkenler... 

Közlerini aşqanda,

Acayip bîr alemge 

Ketkenlerin körgenler...

 

So alemge qaransa,   

İntizam em düzenimen 

Bîr mamleketke usagan, 

Em qalaga oqşagan!

Bîr yaqtan em qaransa, 

Saray ökminde bolgan!

 

Tüskenleri hayretpen  

Tögereklerine qarap

So alemde gıdırganda, 

Bîr kesek maqluqlardıñ

Anlamaganları kepte

Söylegenin körgenler...

Eki adem sosınlardıñ  

Aytqanları ne eken,

Äş birevini bilmegenler...

 

Tek işaretlerine qaransa,

Müyim isler körgenleri,

Bîr vazifede bolganları, 

Tez oq hamen anlaşılgan...

 

So eki ademden bîrevi,

Ana bîrevine qarap 

Nav sözlerdi aytqan:

“Sosı acayip alemdiñ 

Elbet bîr idarecisi, 

Bolganını senemen.

 

Nav intizamlı mamlekettiñ 

Bîr patşası bolganına,

Ol mükemmel qaladıñ  

İyyesiniñ bolganına, 

Nav saniyatlı saraydıñ

Bîr ustasının barlıgına 

Özüm tap inanaman!

 

Endi biz şalışsaq,

So idareci kim eken

Özini em tanısaq,

Bizge köp kerek bolgan...

Sonı tanıganımız,

Em bizge yaqışıyaq...

 

Nege dese anlaşılgan, 

So yerge bizdi akelgen,

Ol zattıñ özi bolgan! 

Eger onı tanımasaq, 

Kömekşimiz kim bolıyaq?

 

Tillerini bilmegenimiz,

Em özleri aciz bolgan,

Bizdi em esitpegen

Barı nav maqluqlardan, 

Qaydan payda keliyek?

 

Bîr alamat nav alemdi, 

Mamleket suvretinde,

Em qalaga usatıp,

Atta sarayday etken;

Neşe alamat zatlarman

Bastan uşqa tolturup

Em bezeklerdiñ şeşitimen 

Süslegeni qasında,

İbretli mucizelermen  

Är yagını tolturgan

Bîr patşa, elbette

So yerge kelgenlerden 

Bîr tilegeni bolgan...

 

Endi sonı tanısaq,

Em tilegeni ne eken,

Bilgenimiz kerek bolgan...

 

Arqadaşı dep aytqan:

İnanmam! Aytqanınday

Bîr patşa nav alemdiñ

Barı isini bîr basına

Qotarıp aylandırsın!

 

Yoldası soga aytqan:

Ol zattı tanımasaq,

Yade ondan erek tursaq,

Bizge payda bolmagan!

Zararı em köp bolgan...

 

Tanımaga şalışsaq, 

Qıyınlıqlar yengil bolgan...

Paydası em köp bolgan...

 

Nege dese soga qarşı,  

Qabarsız qalganımız, 

Esli isi bolmagan...

 

Soñı sarseri adem,

Nav sözlerini aytqan:  

Menim barı rahatım,

Bîr yaqtan em keypim, 

Onı oylamaganda bolgan!

 

Em senin aytqanınday 

Eske sıymas zatlarman

Men uğraşıp turmıyaqpan!

 

Mine sosı isler barı,  

Öz özine bolaturgan   

Qarman şorman isler bolgan...

 

Körgenimiz barı is, 

Öz özine aylangan...

Senin aytqanındın kebimen

Eslegendiñ tagı em    

Äş keregi bolmagan...

 

Esli bolgan soga aytqan; 

Senin nav inatın,

Meni em belki bîr köp

Halqtı belaga atıyaq!

Bîr adebsizdiñ betinden 

Bazı bîr el yoq bolgan...

 

Qalgan manelerdi inşallah, 

Keliyek yuma ayttırsa,

Quday’ga etiyegimiz  

Miñler şükürler bolgan...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com

 
 
 
 


Bäyläneşle xäbärlär