Törkiyäneñ täwge diñgez muzeyı

Törkiyädä täwge diñgez muzeyınıñ 1897 nçe yılda açıluın belä idegezme?

Törkiyäneñ berençe diñgez muzeyı 1897 nçe yılda Diñgez xärbi köçläre ministrı Hasan Hüsnü Paşa boyırığı belän İstanbul Kasımpaşada açıla. 1914 nçe yılda ul waqıttağı Diñgez xärbi köçläre ministrı bulğan Cämal Paşa muzeyda reforma başqarıp ,muzeynı fänni yaqtan qabat tärtipkä salu öçen kapitan rässam Ali Sami Boyarnı mödir itep bilgeli. Boyar Törkiyä köymäläreneñ tulısınça häm yartılaş model’lären êşläw öçen êşxanälär buldıra , muzeynı bayıtuğa üzennän zur öleş kertä.  

İkençe bötendönya suğışı waqıtında saqlanu maqsatı belän Anadoluğa küçerelgän tarixi äsärlär suğıştan soñ yänä biregä kiterelä. Muzey 1949 nçı yılda Dolmabahçä mäçete kölliyäsenä ,annan soñ Bäşiktaştağı bügenge urınına küçerelä.

Soltanat köymäläre, bayraqlar, diñgez xärbi köçläre uniformaları, qul’yazmalar, kartalar ,kartinalar, möherlär, küzätü priborları,törle qorallar urın alğan İstanbul diñgez muzeyı -  Törkiyäneñ täwge xärbi muzeyı.