Zäytün maylı borıç tulması

Törkiyädä zäytün maylı rizıqlar, nigezdä, itsez peşerelä häm suıq kileş aşala.  Küp waqıt ul tabınğa östämä rizıq yäisä qabımlıq bularaq çığa. Zäytün maylı borıç tulması da şulardan berse. Anı bernindi xaywansal azıq qullanmıyça äzerlise. Şuña kürä ul vegan häm vegetariannar öçen bik äybät.  Ä xäzer äzerläwgä küçäbez.   

16 danä keçkenä tulmalıq borıç

1 yarım stakan zäytün mayı

4 danä keçkenä itep turalğan suğan

2 stakan döge yarması

2 aş qaşığı êrbet çikläwege

12 aş qaşığı kipterelgän waq yözem

toz

yartı bal qalağı qara borıç

1 bal qalağı kipterelgän bötnek

1 aş qaşığı şikär qomı

2 stakan su

3-4 danä pomidor (tulmanıñ östen qaplaw öçen)

Xäzer xäzerläwgä çirat citte. 1 stakan zäytün mayın kästrülgä salıp suğan belän êrbet çikläwegen qızdırabız. Doge yarmasın kraxmalı betkänçe yuabız. Suğannar qızarğaç yarmanı da yanına salıp qızdırunı däwam itäbez. Şuña toz, borıç, yözem cimeşe, bötnek häm şikär qomı östäp bolğatabız. İke stakan su salıp döğene peşeräbez. Annarı suınğanın kötäbez. Tämen qabıp qarap, ciñelçä bulsa, toz häm borıç östibez.

Tulmalıq borıçlarnıñ saplı öleşen kisäbez häm orlığın alabız. Xäzerlängän döğene borıçlarnıñ êçenä tutırabız. Pomidorlarnı qalın itep kisäbez häm tutırılğan borıçlarnıñ awızına dögelär tışqa taşımayaçaq räweştä quyabız. Xäzer tulmalarnı tirän kästrülgä urnaştırabız. Östenä yartı stakan zäytün mayı ağızabız häm tulmalarnın yartısı qaplanaçaq räweştä su salıp, urtaça utta 30 minut peşeräbez. Tulmalar suınğaç, bülmä cılılığında tabınğa quyabız. Aşlarığız tämle bulsın.