Bu könne närsälär bulğan?

1519nçı yılnıñ 2nçe may könne Leonardo da Vinci wafat bula. Renessans çorınıñ iñ möhim sänğätçelärennän italian rässamı, möxändis-injener, miğmar-arxitektor häm ğalim Leonardo Da Vinci 67 yäşendä canın täslim qıla.

1808 nçe yılnıñ 2nçe may könne İspaniyanıñ Madrid şähärendä mäşhür “Dos De Mayo” baş kütärüe başlana. Madridnıñ Napoleon ğaskärläre tarafınnan yawlap alınuına häm Napoleon abıysınıñ İspaniya patşası itep iğ’lan itelüenä reakśiya kürsätkän Madrid xalqı belän franśuz xärbiläreneñ bäreleşüe waqıtında yözlärçä madridle ülä.

1885nçe yılnıñ 2nçe may könne Kastamonu Abdurrahmanpaşa liśeyınıñ nigeze tantanalı räweştä salına. Kastamonu Abdurrahmanpaşa liśeyı - Törkiyädäge berençe räsmi liśey häm Anadoluda açılğan täwge liśey bulu üzençälegen yörtä.

1926nçı yılnıñ 2nçe may könne Atlantik okeanınıñ ike yağı arasında berençe faks cibärelä.

2011nçe yılnıñ 2nçe may könne Amerika Quşma Ştatları qorallı köçläreneñ Paqıstannıñ Abbottabad şähärendä açqan ut näticäsendä Usame bin Ladin üterelä.