Nogayşa 208: Miraş’tıñ meyvaları em paydaları ne bolgan? (4)
Bu yuma “MİRAŞTIN MEYVALARI EM PAYDALARI NE BOLGAN” Baresinin songını aytamız...
Nogayşa 208: Miraş’tıñ meyvaları em paydaları ne bolgan? (4)
Miraştın meyvaları
Em paydaları baresinde,
Bîr alimdiñ aytqanı
Bazı aqıyqatlardın soñı
Nav maneler bolgan:
Beşinşi bir meyva:
İnsanlardın kainattıñ
En qıymatlı bir meyvası,
Em kainattı yaratqan
Allah’tıñ köp nazlı
Süygüli qulı bolganı,
Miraşpınan anglaşılgan...
Nav akıyqattı cinlerge,
tagı em insanlarga,
Afendimiz Muhammed
Aleyhissalatü vesselam
Miraşpınan akelgen...
Nav mane ne eken,
Arüv etip anlasak,
Kişkenekey bir maqluq,
Em arıq ayvanday
bası esli, tek aciz,
tagı yarlı insandı,
Kuday’ımız Rabb’ımız
Miraş’tın meyvasıman
Üykenşe bir maqamga
Yani özi qasında
Köp süygüli orınga
Yetkereberip salgan...
Kainattıñ baresinin
Üstüne ozgarıp
Küyezleniyek bir maqamdı
Biz insanlarga bergen...
Yaratuvşumız Allah,
Biz beşare insanlardı,
Süyüniyegimiz bir neşe
En tetimli bir alge,
Songsız nimetine yetkergen...
So manedi aytpaga
Sözler barı az kelgen...
Nav manege bir misal,
Rütpesiz bir askerge,
Sen endi köp üyken
Bir qumandan boldın
Dep süyünşi berilse,
Kaydey bir süyünür;
Aynı sosı temsildey
Fani bolgan nav insanga,
Söyleytagan hayvan dep
Aytılgan nav insanga,
Songında yok bolup
Ketiyek so ademge,
Ayrılıqtın tokatların
Yep turgan zavallı
beşare nav insanga
birden birge ‘Ey insan
sen abedi davamlı
bir yannet’te meramatlı
em köp yomart Rahman’dın
rahmetimen hayalday
er yaklarga yetiyek
eske kelmez bir hızban
em ruhumuzdun kengliginşe
akıllardın gıdırıyagı
em qalplerdin tilegeni
ne bar bolsa baresini
köp kudretli bir Allahtın
mülkünde melekutunda
köringen körinmegen
bilingen bilinmegen
neşe alem yurtunda
seyran etip gıdırmaga
em so yerlerge uşup ketip
Barıyagının qasında
abedi bir şatlıkka
em Allah’tı körmege
yetip barıp ketiyegi
soga aytılgan vaqıt,
İnsanlıktan tömenlerge
Tüspegen ademlerge
ne darece terenşe
üşünley süyünüvdi
yüreginde seziyegini
arüv etip anlarsın...
Endi basqa temsillermen
Nav bir eki meyvadın
Qıymat derecelerini
Körsetpege şalışamız...
Birinşi bir misal:
ekevimiz barabar,
Bir elge baramız...
Sosı yerde bir qarasaq
erkim bizge em birbirevine
düşman em yabancı...
er yak cenaze tolgan...
Qulagımızga kelgen
Davislerdi tınglasak
yetimler yılavı bolgan;
em mazlımlardın kışkırıgı...
ene biz nav allermen
şaşanlagan vaqıtta
birev ketip so eldin
patşasından bir müjde
kabar alıp akelse
mine sosı müjdemen
bizge yaban bolganlar
ahbablarımız bolsa
düşmanlar em kardaş bolsa
cenazeler avır baslı
ibadet em zikirmen
kullık etken kullarga
birdenbirge avıssa
Sosı yetim yılavları
maktavmınan aferin
degen sözler bolsa
sosı ölüm em soyuvlar
askerligi bitkenlerdin
terhisine osasa
kaytibine süyünürmüz
tagı bizler em erkimdin
süyüngenine kosulsak
nav müjdemen ekevimiz
ne darece süyünürmüz
ene sosı miraşta
nav temsilge osagan
üyken müjdeli aller
insanlarga berilgen
sosı müjde kaydey bolgan
nasip bolsa keliyak yuma
kalgan sosı manelerdi
aytaberiyek inşallah
burungıda imandın
nurumınan karanmasa
nav kainattın maklukları
imansız karavman
yabancı tagı muzır
em kıynaltuvşı em yalgız
tavday barı makluklar
cenazelerge usagan
acel em biryaktan
erkimdin baslarını
kesip yoklukka atkan
barı davisler sankim
ayrılıktan em yokluktan
tuvgan kışkıruv bolgan alde
yani imansız karav
kainattı nav kepte
körsetkeni vakıt
miraştın meyvası
bolgan iman esasları
kaydey barı makluktı
saga kardaş birer dos
em Allahka er dayim
zikir tespik etüvşi
ölümler em zavallar
askerlerdin terhisindey
vazipeden kurtuluv
davisler zikir tespik
hakikatinde bolganın
saga maga körsetken
ekinşi bir temsil:
seninminen ekevimiz
üyken şöldey bir yerde
kum denizi kuyununda
keşe em köp karanlık
kolumuzdu köremaymız
korşalavsız em yalgız
aş susuz umutsuz
bir vaziyette bolganga
so takikada birden birge
bir kisi peyda bolup
karanlık ortasından şıgıp
bir maşindi bizlerge
ediya etip berse
em bizdi mindirse
birden yannetke usagan
bir yerde er zatımız
neşe zamanlarga yetiyek
barı zatlardı berse
bizdi korşalıyak maramatlı
birevinin kasına
em erzakımızban barı
kerek bolgandı salsa
biz neşe mamnün bolup
rahat huzurga kavusurmuz
mine sosı üyken şöl
nav dünyadın özi bolgan
o kum denizi nav hadisat
işinde şalgangan
beşare insan bolgan
er bir insan keliyekte
neler bolıyak bilmegenge
kerek bolgan zatlardın
kaytip keliyegini bilmey
sonı ne bolıyak marakpan
oylayberip turganda
ene sosı miraşpan
dünya neşe yomart bir zattın
konagı bolupturgan
insanlar so konakpaydın
yani kuday allahtın
sıylı konakları bolgan
keliyek zaman karangı
bir yer bolmay köp yarık
yannet degen abadi
bir yurtka avıskanı
biz insanlarga miraşpan
kelgen üyken meyva bolgan
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com