Nogayşa 198: Allah üşün süyülse, ahirette aqıbatı ne bolgan? (5)
Bu yuma “ALLAH ÜŞÜN SÜYÜLSE AHİRETTE AQIBATI NE BOLGAN?” baresinin soñını aytamız...
Nogayşa 198: Allah üşün süyülse, ahirette aqıbatı ne bolgan? (5)
Süygü Allah üşün bolsa,
Ahiret’teki paydaları,
Aqıbatı ne bolgan?
So barede bîr alimdiñ
Aytqanı ‘Toguz İşaret’ten
Soñ maneler nav bolgan:
“Em madem dünyadıñ,
Är yanlıştıñ bası,
Yaman betini tuvıl,
Belki Allah’tıñ esmasına,
Em Ahiret’ke qaragan
Eki beti süyülgen;
So maneler oylanıp,
Pikirmen ibadet etip
So betler mamur qılıngan,
Sankim barı dünyasıman
İbadet etken quldıñ
Elbette dünya qadar
Bîr qarşılıq alganı
Rahmet em hikmettiñ
Bîr keregi bolgan...
Tagı madem Ahiret’tiñ
Muhabbetimen mümin,
Onuñ tarlasını süygen,
Em Cenab-ı Haq’tıñ
Süygüsimen esmadıñ
Bıyalasını süygen;
Elbet aynı dünyaday
Bîr süygüli yer tiliyek;
Sosı süygüli yer tagı
Dünya qadar Yannet bolgan...
Sosı yerde insandıñ
Aqlına bîr sorav kelgen:
‘Ol kadar üyken bolup
Tek işi bos qalgan
Bîr Yannet nege yarar?’
So soravdıñ yavabı,
Nav aqıyqatlar bolgan:
Eger imkän bolgay edi,
Hayaldiñ süratimen
Dünyadıñ är yagını
Em yıldızlardıñ köbini,
Gıdırsan sen eger,
‘Bütün alem menimki’
Dep aytsan bolar edi...
Mine aynı sosınday
Melaike em insanlardıñ,
Tagı barı hayvanlardıñ,
Saga ortaq bolganı,
Nav ökmindi bızmagan.
Aynı sosı misaldey,
Yannet tolu bolsa tagı,
‘Nav Yannet menimki’ dep
Sen tagı aytalarsın...
‘Bîr mü’minge besyüz sane
Gıdırsa tavsilmiyek
Keñ Yannet beriliyek’
Degen hadistiñ sırrı em
Basqa yerde aşıqlangan...
Toquzunşı İşaret:
İman em muhabbetullahtıñ
Aqıbatı, evliyadıñ,
Tagı em alimlerdiñ,
Barabar aytqan kebimen
‘Dünyadıñ miñ sane,
Tatimmen ötken hayatı,
Bîr saatine tiymegen
Bîr Yannet hayatı;
Em so Yannet hayatınıñ
So gözellikte mîñ sanesi,
Bîr tek saat Allah’tı
Tamaşaga tiymegen
Bîr kudsi gözellikpen,
Em oñınlıktıñ iyyesi,
Zat-ı Zülcelal Allah’tı
Tamaşa, seyir bolgan!
So mükafattı bizlerge
Hadisler em Qur’an,
Qabar berip aytqanlar...
Hadistiñ aytqan kebimen;
‘Allah’tı Yannet’te
Körgende bîr insan,
Sosı Yannet’tiñ barı
Nazzetiniñ köp üstünde,
Bîr nazzet alganga,
Yannet nazzetleriniñ
Baresini em mıtar!..
Hatta Quday’dı körgenlerdiñ
Betleri bek artıq
Ziyada gözelleşkenge
Qaytqanları vaqıt,
Saraylarındaqı ayalı,
Anca diqqat, zormınan
Baylarını tanırlar!’
Dep hadislerde aytılgan...
Är bîr mü’min adem,
Hazret-i Süleyman’day
Muhteşem bîr oñınlıqta,
Abıraylı bîr zattı,
Men körgey edim dep
Tap iştiyaq körsetip,
Tagı em maraq qılar;
Em Hazret-i Yusup’day (a.s.)
Gözellikpen tanıngan
Bîr paygambardı körsem dep,
Maraqlı bîr iştiyaqtı,
Vijdanında tabar...
Endi acaba nav dünyadıñ
Barı gözellik, oñınlıgından,
Miñler derece biyik,
Yannettiñ yahşılıgı,
Tagı em oñınlıgı,
Allah’tıñ bîr tek qayta
Cemalıman kemalınıñ
Bîr tek cilvesi bolsa;
So derece gözellik
Em oñınlıqta bîr zattı,
Köreberip seyir etip
Tamaşasını qıluv,
Ne qadar rağbet etiliyek,
Maraqpan havas etiliyek
Bîr haqıyqat bolganını,
Qarşılaştıralsan sen eger,
Mine qarşılaştırıp sal!
Allah’ım nav dünyada,
Avvel seniñ süygündi,
Em saga yuvıq etiyek
Barı zatlardı tagı,
Em emir etkenin kepte
Tuvralıqtı bizlerge,
Süydürgendiñ qasında,
Ahiret’te rahmetinmen,
Özindi em körsetip
Baremizdi rızıqlandır!
Bizim bilgenimiz anca,
Seniñ üyretkenlerin bolgan...
Är zattı sen bilirsin,
Tagı senin är isin,
Dayim hikmetpen bolgan...
Em alemlerge rahmet
Bolsun dep yibergeniñ
Muhammed Aleyhisselam’ga,
Em ayalmen tamırına,
Tagı ashab denilgen
Onı körgen zatlarga,
Salat em selam qıl!”
Amin!
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com