Bu könne närsälär bulğan?

Bügen 2019 nçı yılnıñ 12 nçe martı. Bu kön tarixqa nindi waqıyğalar belän kerep qalğan soñ?

1921 nçe yılnıñ 12 nçe martında Törkiyäneñ milli gimnı ”Bäysezlek marşı” Törkiyä Böyek Millät Mäclesendä qabul itelä. Ul yıllarda bäysezlek häm azatlıq öçen köräşkän töreklärneñ Watan häm bayraq mäxäbbäten, bäysezlek, irek iradäsen çağıldıruçı şiğır’ parlamentta alqışlarğa kümelä.

1930 nçı yılda bu könne Hindıstan häm Hindıstan bäysezlek xäräkäteneñ säyäsi häm ruxani liderı Mahatma Gandi toz citeşterüdäge xökümät monopoliyasına qarşı çığu maqsatı belän Töz yöreşenä kereşä. 6 nçı aprel’gä qadär däwam itkän yöreştä meñnärçä keşe qatnaşa.

1985 nçe yılnıñ 12 nçe martında Törkiyäneñ Ottavadağı tulı wäqalätle ilçelegenä qorallı ärmän suğışçılar höcüm itä. Höcümdä tulı wäqalätle ilçe Coşkun Kırca yaralana, kanadalı 1 poliśiya xezmätkäreneñ ğomere özelä.

İldäge säyäsi krizislar, êş taşlaw çaraları ,uquçı yäş’lärneñ rizasızlıq belderü çaraları säbäbe belän 1971 nçe yılda älege könne Törek Qorallı Köçläre xökümätkä memorandum tapşıra. Monıñ näticäsendä prem’yer-ministr Söläyman Dämiräl wazıyfasınnan kitä. 26 nçı martta prem’yer-ministr Nihat Ärim räislegendä Reforma xökümäte tözelä.

2000 nçe yılnıñ 11 nçe martında Papa 2 nçe Djon Paul çirkäwneñ ütkännärdä yähüdlärgä, xatın-qızlarğa häm cirle xalıqqa qarata êşlägän gönahları säbäbe belän yarlıqaw sorıy.  

2003 nçe yılda bu könne Serbiya prem’yer-ministrı Zoran Jinçiç Belgradta üterelä.