Bu könne närsälär bulğan?

Bügen 2019 nçı yılnıñ 9 nçı martı. Bügenge kön tarixqa nindi waqıyğalar belän kerep qalğan soñ?

1764 nçe yılnıñ 9 nçı martında Padişah Mostafa 3 nçe saldırğan Laläli mäçete ğıybadätkä  açıla.

Napoleon armiyäläre daimi räweştä ciñelep kire çigengän waqıtta  1814 nçe yılnıñ bu könendä Vena kongressı cıyıla.Ul - Awrupadağı çiklär häm köçlär balansın yañadan bilgeläw belän bäyle qararlar qabul itü öçen cıyılğan kongress.

1842 nçe yılnıñ 9 nçı martında Djuzeppe Verdineñ öçençe opera äsäre “Nabucco” täwge tapqır Milanda säxnägä quyıla.

1935 nçe yılda älege könne Gitler yaña hawa köçläre buldıraçağın iğ’lan itä.

1956 nçı yılnıñ 9 nçı martında Kipr grek cämğiyäte liderı arxiyepiskop Makarios Angliya tarafınnan Seyşel’ utrawlarına sörgengä cibärelä.

1983 nçe yılnıñ alege könendä Belgrad höcüme tormışqa aşa. Törkiyäneñ Belgradtağı tulı waqalätle ilçese Galip Balkarnı 2 höcümçe yaralıy. İlçe 2 könnan soñ ülä. Höcümneñ cawaplılığın  ärmän terror oyışmaları ASALA häm JCAG  üz östenä ala.