Nogayşa 191: Allah üşün süygendin dünya aqıbatı ne bolgan? (2)

Bu yuma em “ALLAH ÜŞÜN SÜYGENDİÑ DÜNYA AQIBATI NE BOLGAN?” baresinde habarlasamız...

1153092
Nogayşa 191: Allah üşün süygendin dünya aqıbatı ne bolgan? (2)

Nogayşa 191: Allah üşün süygendin dünya aqıbatı ne bolgan? (2)

Süygü Allah üşün bolsa,

Dünya aqıbatı ne bolgan?

Nav barede bîr alimdiñ

Aytqanınıñ davamı,     

Nav haqıyqatlar bolgan:

 

“Anan, atanga süygün,  

Allah üşün bolganga, 

So em ibadet bolar.

Onlar qartaygansaytın, 

Örmet em muhabbetin 

Em taga artıq bolar...

 

Eñ ullı bîr duyguman, 

Tagı martşe gayratpan,

Sosınlardıñ ömirlerin

Sozılganın tilersin...

‘Ömürleri uzun bolsun!’, 

Dep onlarga özin,  

Duva etip taga köp  

Savap qazangandı tilep, 

Alal bîr örmetpen   

Qollarını alırsın...  

Ullı em ruhani   

Nazzetlerge bararsın...  

 

Yoqsa ana ata süygüsi, 

Nepis, dünya üşün bolsa,

Sosınlar barabarşa

Qartlıqqa bargan bolsa, 

Nav qıynaltqan alleri,

Yük körülüp baslasa; 

Onlardıñ barlıgından 

Tınış bolalmay bîr avlet,

Tömenlerdiñ tömeni,   

Eñ oydaqı oymınan, 

Anaman atasınıñ

Ölgenini tilese,      

Mine so al insanga,    

İnsanlıqtan köp oyda, 

Köp vahşi duyguman, 

Qaygı bergen alminen    

Ruhunı sızlatar...

 

Endi avletine süygün,

Qur’an aytqanına uysa, 

Sosı avlet Haq betten, 

‘Sosını sen qara!’ dep,  

Em ‘Terbiyasın arüv et!’   

Degen bîr emirmen  

Saga amanat berilgenin   

Arüv etip bilgenge,

Nav keppen köp süyümlü,    

Em yoldas avletinge, 

Tatimli yahşı süygün,    

Özi tagı nimet bolar...

 

Eger musibetke ugrasa,   

Atta soñda ölgen bolsa, 

Ziyada qaygı körsetip, 

Umutlarındı kesip, 

Qışqırıp baqırmassın...

 

Burungıda ötken kep    

Sosınlardı yaratqan

Quday’ımız Haq Rahman,    

Hakim, Rahim bolganga

Barı isleri hikmet  

Em maramatlıbolganga, 

Onlar haqqında ölümdiñ

Bîr saadet bolganına,  

İnanganga tınış bolarsın...

 

Özindiñ aqqında em,

Onlardı saga bergen 

Allah’tıñ rahmetini,

Oylayberip ayrılıqtıñ

Aşuvıman barabar,

Qaygısından qutulursun...

 

Ahbablarga süygün senin,     

Madem Allah üşün bolgan;

So doslardıñ ayrılıgı, 

Atta ölgen bolsalar, 

Habarlasuvunuzga,

Tagı qardaşlıgınızga,     

Bîr manisi bolmagan...

 

So manevi süygümen,   

Tagı ruhani bavmınan 

Neşe payda körersin.

 

Em qavusqandıñ nazzeti, 

Dayimi bolaberip 

Sosı barabarlıgın senin,

Nav dünyadı ötip, 

Ahiretkeşe barganga, 

Senin doslıgın tagı,

Kesilmey dayim bolar...

 

Eger Allah üşün bolmasa,   

Bîr künlük qavusqanın, 

Seni yüz kün ayrılıqtıñ     

Aşuvıman küydürer!

 

Enbiyaem evliyaga   

Muhabbetin em seniñ  

Allah üşün bolganda,

Gapletteki insanlarga,

Qarangı yalgızlıq yurtı, 

Köringen qabir alemi,

So nurani zatlardıñ 

Barlıgıman nurlanar...

 

Nav yaşagan yurtları,  

Saga süytüp savleli 

Bîr alem köringenge,

Sen tagı ol alemge,

Ketkeninden qorqpassın...

Dahşetke em tüspessin.

 

Atta sosı alemge, 

Barmaga sen işinden,  

Bîr meyil bîr iştiyaq

Yüreginde tabarsın... 

 

Sosı keppen ölümler,

Saga dünya yaşavınıñ

Nazzetini qaşırtmas..

 

Yoqsa onlarga süygün,    

Madeniyet ehliniñ    

‘İnsanlardıñ aytuvlusı’,

Degen keppinen bolsa,     

Sosı kämil insanlardıñ

Yoq bolup ketkeninden,

Ötken zaman degenimiz

Üyken mezar işinde,   

Şürügenin oylarsın, 

Qaygı tolı yaşavına, 

Bîr basqasını qosarsın...

 

Yani sosınday üyken,     

Kämil insanlardı şürütken

Nav mezarga tagı,          

Kiriyegindi oylap,    

Mezaristandı tagı,

Qorqulı bîr qaravışpan      

Körgen sebep ‘ah!’ tartarsın...

 

Avvelki qaravış bolsa,  

Ten degen kiyimdi, 

Ötken zamanda taslap,

Baqıy qalgan ruhpınan,     

Üy bölmesine usagan

Keliyek zaman degenimiz 

Qabir aleminde tagı,  

Tap bîr tınışlıqpan 

Qalıyagındı oylap,   

Sosı mezaristanga em ,

İşin yılınıp qararsın...

 

Quday’ımız Haq Rahman,    

Keliyek yuma nasip bolsa,

Qalgan haqıyqatlardı,     

Ayttırsın inşallah!

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com

 

 

 
 


Bäyläneşle xäbärlär