Bu könne närsälär bulğan?

Tarixta bügen 12.02.2019

1142719
Bu könne närsälär bulğan?

1912nçe yılda bu könne 6 yäşendäge Qıtay imperatorı Puyi täxettän töşerelde. Şulay itep 2 meñ yıllıq Qıtay imperatorlığı häm 267 yıllıq Mançjuriyä dinastiyäse tögällände. Piyu ätiseneñ tuğanı ülgännän soñ 3 yäşendä täxetkä utırtıla. Bärep töşerelgännän soñ ul başta Pekinda yäşi, 1924nçe yılda anı yäşeren räweştä şähärdän alıp çığalar. Yaponnar Puinı 1932nçe yılda däwlät başlığı iğ’lan itä häm 1934tä Böyek Mançjuriyä imperatorlığına kiterä. Ul 1945nçe yılda ruslarğa äsirlekkä êlägä. 1950dä anı suğış cinayät’çese bularaq xökem itü öçen Qıtayğa tapşıralar. Yarlıqawdan soñ êlekkege imperator ber maşina tözätü atel’yesında êşli. Rejissyer Bernardo Bertoluççi “Sonğı imperator” fil’mında Puyinıñ tormışın süratli. Älege kinokartina 1988nçe yılda 9 nominaśiyädä Oskar aldı.  

1914nçe yılnıñ 12nçe fevralendä Törkiyädä oçqıç belän täwge aviapoçtanı ilttelär. Oçuçı İsmail Xakkı Bäy anı Läfkädän Biläcikkä taşıdı. Aviapoçtanıñ markalarında oçqıç, dirijabl’, hawa şarı häm qoş şikelle räsemnär qullanıla. Älege xäl marka kollekśiyäläre tuplawğa da êtärgeç buldı.

1934nçe yılda bu könne şağıyr’ häm yazuçı Cänap Şahabettin insul’t kiçerep baqıylıqqa küçte. Ul könbatış ädäbiyäte yünäleşendä kitüçe Särväti Fünün çorınıñ iñ ähämiyätle isemnärennän berse. Cänap Şahabettin säyäxät häm küzätü yazmaları, p’yesalar da yazğan.

2002nçe yılnıñ 12nçe fevralendä Yugoslaviyäneñ êlekkege däwlät başlığı Slobodan Miloşeviçnı xökem itü başlandı. Êşne BMOnıñ xärbi cinayät’lär mäxkämäsendä qaradılar. Miloşeviç Bosniyä suğışındağı 66 ayırım cinayät’tä ğayeplände. Ul mäxkämä tögällängänçe wafat buldı.  



Bäyläneşle xäbärlär