On xälwäse

Xälwä – Törkiyädä yaratılğan tatlı rizığı bulıp tora. Tamırları Yaqın Könçığıştan alıp Urta Aziyağa qadär suzıluçı xälwäneň çirattan rizıq bulmawın äytergä kiräk. Cänazadan soň xälwä yasala monda. Bäbi tuğaç ta qunaqlarnı xälwä belän sıylıylar. Bäyrämdä dä tür urınnı alıp tora ul. Läkin süz kibettä satıluçı xälwä turında barmıy. Bu tatlı rizığın öydä yasıylar. Bügenge tapşıruıbızda sezgä Törkiyädäge on xälwäsen yasarğa öyräterbez.

On xälwäse öçen tübändäge rizıqlar kiräk:

3 aş qaşığı sarı may

2 aş qaşığı sıyıq may

1 stakan on

1 yäisä 1 yarım stakan şikär qomı

2 stakan su

2 aş qaşığı kedr çiklӓwege

Berençe itep qalın töple kӓstryulgӓ sarı may, sıyıq may, on hӓm kedr çiklӓweklӓren salıp, ӓkren utta qızdıra başlıybız. (töslӓre üzgӓrgӓngӓ qadӓr, bolğatıp). Monı yasağanda sabırlı bulırğa kirӓk.

Başqa kӓstryuldӓ su hӓm şikӓr qomın bergӓ qaynatabız.

On massasına şikӓrle sunı ӓkrenlӓp tügӓbez hӓm tiz tiz bolğatabız. On töyerlӓnmӓskӓ tiyeş. Böten sunı salıp beterӓbez.

Utnı sünderep, xӓlwӓne 10 minutqa alıp quyabız.

Peşkӓn xӓlwӓne tabaqqa salıp, rӓweş birӓbez.

Telӓsӓgez, su urınına söt yӓisӓ 1 stakan su yӓki 1 stakan söt qullana alasız.

Östen çiklӓwek belӓn bizӓp bula.

Aşığız tӓmle bulsın!