Don Kixot… Awrupanıñ berençe modern romanı... İspan şağire häm yazuçısı Migel’ de Servantes yazğan bu äsär berençe märtäbä 1605nçe yılnıñ 16nçı ğinwar (ğıynvar’) könne näşer itelä. Yazuçınıñ törmädä yazğan, üz tormışın kölkegä qaldırğan Don Kixot 38 telgä tärcemä itelä häm äle dä dönyada iñ küp uqılğan äsärlär arasında tora.

“Galatasaray” häm “Fänärbahçä”… Barı tik Törkiyädä genä tügel, Awrupada da bik yaxşı tanılğan ike futbol klubı. İke köndäş. Oçraşuları qitğalarara matç bularaq qabul itelgän, Törkiyäneñ bu iñ iske häm iñ tanılğan ike komandası berençe tapqır 1909nçı yılda 17nçe ğinwarda (ğıynvar’da) oçraşa. Matç “Galatasaray”nıñ 2-0 ciñüe belän tögällänä.

1995nçe yılda Yaponiyanıñ Osaka-Kobe töbägendä 7,2 zurlığında cirteträw barlıqqa kilä, 6 meñnän kübräk keşeneñ ğomere özelä.

2012nçe yılda törki dönya bik olı däwlät êşlekesen yuğalta. Tön'yaq Kipr Törek Cömhüriyätenä nigez saluçı Däwlät başlığı Rauf Dänktaş 13nçe ğinwardä (ğıynvar’da) canın täslim qıla.

Rauf Dänktaş äle yäş’ çağında jurnalist bulğan çaqta yazuları belän başlıy kipr törekläre öçen bäysezlek köräşenä. Annan soñ törek azatlıq xäräkäten oyıştırıp köräşen alıp bara.

Kiprda greklar belän bergä yäşäwçe töreklärneñ kipr grek Rum Tädhişçelär tarafınnan küpläp üterelüe arqasında 1974nçe yılda Törkiyä Kiprğa tınıçlıq xäräkäten oyıştıra.

Rauf Dänktaş şuşı xäräkättän soñ utrawnıñ tön’yaq öleşendä yäşi başlağan kipr törekläreneñ xoquqların xalıqara mäydanda saqlıy. 1983nçe yılda tözelgän Tön'yaq Kipr Törek Cömhüriyäteneñ berençe ilbaşı bula.

Üleme belän törki dönyada mätamgä säbäp bulğan Rauf Dänktaşnıñ mäyete 17nçe ğinwardä (ğıynvar’dä) Kiprdağı Sälimiyä mäçetendä uqılğan cenaza namazınnan soñ Cömhüriyät parkındağı käbergä cirlände.