Bu könne närsälär bulğan?

Tarix säxifälärendä şuşı könne närsälär bulğan?

Barıbız da yaxşı belgän häm uqığan “Alisä moğcizalar ilendä” isemle kitapnıñ yazuçısı L’yuis Kêrroll yäisä çın iseme belän Çarl’z Lyutvidj Dodjson 1898nçe yılda şuşı könne üpkä yalqınsınuınnan ülä. Ber ük waqıtta mantıyq (logika) ölkäsendä dä möhim äsärlär icat itkän Kêrollnıñ matematika häm fotografiya tarmağında da êşçänlege bula.

Törkiyä Cömhüriyätenä nigez saluçı Mostafa Kemal Atatörekneñ änise Zöbäydä xanım 1923nçe yılda İzmirdä wafat bula. Zöbäydä xanım İzmirneñ Karşıyaka ilçäsendä 1940nçı yılda salınğan häykäl käberdä yata.

1917nçe yılda ätiseneñ anıñ öçen açqan keçkenä kibettä ayaq kiyeme rezinası, şikär, sır, zäytün, makaron kebek tovarlar satıp, säwdägä başlağan häm 1996nçı yılda wafat bulğan, Törkiyäneñ iñ möhim êşmäkärlärennän Vähbi Koç 1987nçe yılda Xalıqara säwdä palatası tarafınnan "Dön’yada yılnıñ êşmäkäre” bulıp saylana.

2005nçe yılda Awrupa ğaläm agentlığı belän NASA tarafınnan urtaq êşläp çığarılğan “Gyuygens” isemle ğaläm zondı Saturnnıñ iyärçene Titannıñ öslegenä töşä. Qoyaş sisteması êçendä atmosferası iñ qalın iyärçen bularaq belengän “Titan” iyärçeneneñ açışın 1665nçe yılda Niderland astronomı Kristian Gyuygens yasıy.

1992nçe yılnıñ 14nçe ğinwar (ğıynvar’) könne Törkiyä belän Azärbaycan arasında diplomatik mönäsäbätlär başlıy. 1991nçe yılnıñ noyabr’ ayında bäysez Azärbaycan däwläten tanuçı berençe il bulğan Törkiyä ul waqıttan birle Azärbaycannıñ xalıqara mäydanda iñ zur yaqlawçısı bula.