Törkiyä qatğıy totışı belän Süriyädä uñışqa ireşte

Kön tärtibe 52

1114578
Törkiyä qatğıy totışı belän Süriyädä uñışqa ireşte

2018 nçe yılnıñ 19 nçı dekabrendä Amerika Quşma Ştatları ilbaşı Donal’d Trampnıñ Amerika ğaskärläreneñ Süriyädän çigenüen iğ’lan itüennän soñ Süriyädä wäzğiyät’ qabat şäkellänä başladı. Trampnı bu belderüne yasawğa êtärgän barışta Törkiyäneñ qatğıylığı iğ’tibarnı cälep itte.  Törkiyä ilbaşı Räcäp Tayyip Ärdoğannıñ Färatnıñ könçığışına xärbi operaśiya iğ’lan itüennän soñ Törek Qorallı Köçläre häm Törkiyä Süriyädä bergä xäräkät itkän milli armiya operaśiya öçen äzerleklärne tizlätte. Törek hawa köçläre Ğıyraqtağı “PKK” terror oyışmasına hawa xäräkäte oyıştırdı. Süriyä-Ğıyraq çik buyına yaqın Sincar tawı belän bergä Mahmur lagerındağı Karakacak tawındağı terror maqsatlarına höcüm itü Törkiyäneñ qatğıylığın kürsätte.

 

      Säyӓsӓt, iq’tisad hӓm ictimaği tikşerenülӓr waqıfı SETA tikşerenüçese, yazuçı Can Acunnıň Törkiyäneñ qatğıy totışı belän Süriyädä uñışqa ireşüe  xaqında añlatmasın täq’dim itäbez.

 

 

Ağımdağı yılnıñ 14 nçe dekabrendä Törkiyä ilbaşı Räcäp Tayyip Ärdoğan belän Amerika Quşma Ştatları ilbaşı Donal’d Tramp telefonnan söyläşte häm bu söyläşüdä Tramp Amerika ğaskärlären Süriyädän çığaru qararın citkerde. AQŞ ilbaşı “DEAŞ”qa qarşı köräşne Törkiyägä tapşırırğa teläwen belderde häm Törkiyä ilbaşı monı qabul itte.

Amerika Quşma Ştatlarınıñ Süriyädän çigenü qararı il oyışmalarında ,Süriyädä häm global’ ülçämdä kiñ çağılış taptı. AQŞ saqlanu ministrı Djeyms Mattis häm “DEAŞ”qa qarşı köräş maxsus wäkile Bret MakGurk wazıyfadan kitte. Amerika Quşma Ştatlarınıñ kire çigenü qararın tänqit’lägän “YPG/PKK” äğ’zaları “Arqabızdan pıçaq qadadılar” dip sızlandı.

Amerika Quşma Ştatları ilbaşı Donal’d Trampnıñ Süriyädän çigenü qararı Süriyädäge balansnı kiñ mäğ’nädä üzgärter dip kötelä. Amerika ğaskärläre urınına kemnär kiläçäk mäs’äläse Süriyäneñ kiläçäge cähätennän zur ähämiyätkä iyä.

Amerika ğaskäreneñ çigenüe Törkiyäneñ “YPG/PKK”ğa qarşı operaśiya oyıştıruı öçen mömkinlek tudırğanda , Rusiya häm İran yaqlaw kürsätkän Äsäd rejimı “YPG” belän kileşep Amerika ğaskärläre kitkän töbäklärgä urnaşırğa mömkin.

 

”PKK” qorılğannan birle Äsäd rejimı belän êlemtäse bulu belän bergä Süriyädä suğış başlanğan däwerdä Äsäd rejimı Törkiyä çik buyında 3 töbäkne “YPG”gä tapşırdı.  İke yaq arasındağı söyläşülärdä “YPG” mäydanğa ireşü belän bergä avtonom struktura taläp itkän häm Äsäd rejimı bu taläpne kire qaqqan. Amerika ğaskärläre çigenü belän bergä Äsäd rejimınıñ “YPG”gä qarata taläpläre artaçaq häm bu wäzğiyät’ ike yaqnıñ Törkiyä qarşında kileşüen qıyınlaştıraçaq.”YPG” belän Äsäd rejimı arasındağı kileşügä  Rusiya häm İran niçek qarayaçaq ? Bu da möhim mäs’älä bulıp tora. 

”YPG” belän Äsad rejimı arasındağı ixtimal kileşüne totqarlaw öçen Törkiyä Amerika Quşma Ştatları belän AQŞ ğaskärläreneñ Süriyädän çigenüen koordinaśiyälärgä tiyeş. AQŞ ilbaşı Donal’d Trampnıñ sośial’ media aşa yasağan belderüendä Amerika ğaskärläreneñ Süriyädän çigenüeneñ äkren häm Törkiyä belän yuğarı däräcädä koordinaśiyäle bulaçağın citkerüe buşap qalğan urınnarğa başqa köçlär urnaşunı buldırmıy qalu cähätennän bik möhim.

 

 



Bäyläneşle xäbärlär