PKK öçen waqıt taraydı

Kön tärtibe 51

1111127
PKK öçen waqıt taraydı

 İlbaşı Räcäp Tayyip Ärdoğannıñ belderüe belän Törkiyäneñ Färatnıñ könçığışın “PKK/YPG” terror oyışmasınnan arındıruğa qağılışlı operaśiyası räsmi räweştä iğ’lan itelde. Däwlät başlığınıñ açıqlawınnan soñ töbäktä küp sanda xäräkät yäşände, bu wazğiyättä Süriyädä operaśiyägä yul açqan barış häm Amerika Quşma Ştatlarınıñ Süriyä säyäsäte belän Törkiyäneñ Amerika Quşma Ştatlarına täq’dim itkän alternativalar bik zur ähämiyätkä iyä.

      Säyӓsӓt, iq’tisad hӓm ictimaği tikşerenülӓr waqıfı SETA tikşerenüçese, yazuçı Can Acunnıň añlatmasın täq’dim itäbez.

 

Törkiyäneñ Färatnıñ könçığışına qarata xäräkätkä uzuında Mänbiç bik möhim buldı. Biğräk tä Afrin xäräkätennän soñğı domino yoğıntısı belän Mänbiç häm Färatnıñ könçığışı kön tärtibenä kilep urnaştı. Törkiyä xärbi yaqtan da Mänbiçkä taba xäräkät itä başlağan ide. Amerika Quşma Ştatları monı kürep alğaç Törkiyä belän östälgä utırırğa mäcbür buldı häm yul kartası päydä buldı. Şuşı yul kartasında urtaq patryul’lärneñ başlawı, ämma monnan tış “YPG”neñ, awır qoralların taşlap, Färatnıñ könçığışına çigenüe häm Mänbiçtä cirle aşirätleär-qabilälärdän toraçaq mäclesneñ oyıştırıluı kiräk ide, fäqät Amerika Quşma Ştatlarınıñ bu ölkädä Törkiyäneñ iğ’tibarın çitkä yünältergä tırışuı, äkren adım yasawı häm “YPG”neñ äle haman töbäktä qalırğa däwam itüe kürende.

Bu wazğiyät (wazğıyät’) isä Törkiyäneñ Amerika Quşma Ştatlarına bulğan ışanıçın citdi mäğ’nädä qaqşattı. Bigräk tä İlbaşı Räcäp Tayyip Ärdoğannıñ Amerika Quşma Ştatlarına qarata qaraşınıñ yañadan şäkellänüenä, formalaşuına yul açtı. Törkiyä ägär min diplomatiya yulı belän Amerika Quşma Ştatları belän bergä “YPG” yanawın minimumğa kiterä almıym ikän, ul çaqta xärbi yaqtan êşçänlekkä başlarğa mäcbür bulam häm ni qadär kötsäm, şul çaqlı üzqimmäte (üzqıymmäte) dä artaçaq mantiği (matnığıy) belän xäräkätkä küçte.

Amerika Quşma Ştatları Süriyädä buluına qağılışlı räsmi bularaq berniçä säbäp kürsätä. “DEAŞ” belän köräş, annan soñ “DEAŞ”nıñ qabat päydä buluın totqarlaw, İrannı töbäktän çığaru häm Äsäd rejimın töbäktän çittä totu. Törkiyä isä Amerika Quşma Ştatlarına alternativa bularaq şuşılarnı täq’dim itä: “PKK” gegemoniyası belän ğaräplär küpläp yäşägän töbäklärdä niçek itep totrıqlılıq täêmin iteläçäk? Bolay da kürengäne kebek, töbäktä totrıqlılıq urnaştırıla alınmağan. Äle dä İran belän êşläwçe “PKK” aşa İranğa qarşı niçek itep yoğıntı mäydanı buldırılaçaq? Äsäd rejimı belän yıllar buyı êşlägän “YPG” belän rejim niçek itep töbäktän çitläştereläçäk?

2011dän soñğı barışta Ayn äl Arab, Afrin häm Kamışlı töbäklären häm şaqtıy qoralın “YPG”gä Äsäd rejimı qaldırğan ide. Amerika Quşma Ştatları bilgelägän öç maqsatın “PKK” aşa başqara almıy.

Törkiyä isä Amerika Quşma Ştatlarına alternativa bularaq “PKK” kebek terror oyışmasınıñ yuqqa çığarıluın, Süriyä oppoziśiyasınıñ legal’ bularaq bilgelägän Süriyä waqıtlı xökümäte astında tözelgän, ğaräplärdän, törekmännärdän häm kördlärdän torğan Milli ğaskär belän bergä Färatnıñ könçığışında totrıqlılıqnıñ täêmin itelüen täq’dim itä. Amerika Quşma Ştatlarınıñ yäşeren köndälege bulmağan oçraqta bu täq’dimgä uñay qarawı kiräk, fäqät  Törkiyäneñ Amerika Quşma Ştatlarına täq’dim itkän çişeleş yulın Amerika Quşma Ştatlarınıñ kire qağuı Amerika Quşma Ştatlarınıñ Süriyädäge çın maqsatlarınıñ nindi buluı ölkäsendä möhim sorawlar tudıra.

Ğomum mäğ’nädä Törkiyäneñ Färatnıñ könçığışına operaśiyasınıñ töp säbäbeneñ Amerika Quşma Ştatlarınıñ Süriyä säyäsäteneñ Törkiyäneñ iminlegenä yanawına qarşı, Amerika Quşma Ştatlarınıñ Törkiyä belän diplomatik ölkädä tözegän kileşülärne ütämäwe häm Törkiyä täq’dim itkän alternativalarnı iğ’tibarsız qaldıruınıñ Törkiyäneñ Amerika Quşma Ştatlarınıñ Süriyä säyäsäteneñ maqsatları qısalarındağı borçılularınıñ artuı buldı. Törkiyä, üz yazmışın üz qulına alıp, Färatnıñ könçığışın “PKK/YPG” terror oyışmasınnan çistartuda täwäkkäl, qatğidır (qatğıydır).



Bäyläneşle xäbärlär